2025 сыллааҕы судаарыстыба түмүктүүр ачастаассыйатын (ГИА) түмүгүнэн, Саха сирэ дойдуга 21-с миэстэҕэ тахсыбыт.
Өрөспүүбүлүкэ үөрэх хаачыстыбатыгар ураты болҕомтону уурар, ити эйгэҕэ кырата суох ситиһиилэннэ. Ол туһунан Ил Дархан Айсен Николаев өссө ааспыт сыл түмүгүн таһаарар туһаайыытыгар эппитэ.
“2025 сыллааҕы ГИА түмүгүнэн Саха сирэ икки сыл иһигэр балаһыанньатын 47 пуунунан тупсаран, дойдуга 21-с миэстэҕэ таҕыста. СКЭ түмүгэ эмиэ тупсан эрэр. 2025 сыллаахха Бүтүн Арассыыйатааҕы олимпиадаларга ааспыт 15 сыллааҕы көрдөрүүбүтүн куоһардыбыт”, – диир Ил Дархан.
Санаттахха, Айсен Николаев өрөспүүбүлүкэни үөрэх эйгэтигэр дойду 15 бастыҥ эрэгийиэнин иһигэр киллэрэр сорудаҕы туруорбута.
Бэй.кэр.
Хаартыска: Мария Васильева / СИА.
