Бэс ыйын 17 күнүнээҕи туругунан, Саха сиригэр 324 киһини клещ ытырда. Ол туһунан, үгэс курдук, Роспотребнадзор иһитиннэрэр.
Онтон 23 үөнэ Арассыыйа атын эрэгийиэнниттэн киирбитэ быһаарыллыбыт: Тюмень, Амыр, Кемерово, Иркусткай уобаластартан, Приморье, Забайкалье, Хабаровскай кыраайдарыттан, ону тэҥэ Москубаны сэргэ Бүрээтийэттэн.
Ордук элбэх киһини клещ Ленскэй улууһугар ытырбыт – 158 киһини. Алдаҥҥа – 52, Өлүөхүмэҕэ – 48, Нерюнгрига – 25, Дьокуускайга – 24, Хаҥаласка – 5, Мэҥэ Хаҥаласка – 3, Сунтаарга, Тааттаҕа уонна Чурапчыга – иккилии, Кэбээйигэ, Мииринэйгэ уонна Уус Майдаҕа – биирдии түгэн бэлиэтэммит.
324 ытыртарбыт киһиттэн 124 киһитэ клещтэн сүһүрүүнү утары охсуһар иммуноглобулин серопрактикатын ааспыт, 93 киһи эрдэ бэйэтэ быһыыны ылбыт эбит.
Өрөспүүбүлүкэҕэ клеһи утары быһыыны барыта 12 419 киһи ылбыт, ол иһигэр 2 396 оҕо.
