Бэс ыйын 27-с уонна 28-с күннэригэр, Туймаада ыһыаҕын кэмигэр, Дьокуускай олохтоохторун уонна ыалдьыттарын Үс Хатыҥҥа диэри икки маршрут оптуобустара тиэйиэхтэрэ-таһыахтара. Айан төлөбүрэ: каартанан – 85 солкуобай, уу харчынан – 95 солкуобай.
155-с №-дээх “Медцентр – Үс Хатыҥ – Медцентр” хайысханан сүүрэр оптуобус бэс ыйын 27 күнүгэр күнүһүн 10-нуу, оттон киэһэтин уонна түүнүн 20-лии мүнүүтэ буола-буола сылдьыаҕа. Бэс ыйын 28 күнүгэр киэһэ 17:00 чааска диэри эмиэ уоннуу мүнүүтэ, оттон киэһэтин 20-лии мүнүүтэ арыттаах айанныаҕа.
156 №-дээх “Автовокзал – Үс Хатыҥ – Автовокзал” хайысханан сүүрэр оптубус 27 чыыһылаҕа күнүс 12-лии, оттон киэһэтин уонна түүнүн 20-лии мүнүүтэ быысаһан сылдьыаҕа. Иккис күнүгэр, 28-ска, 15-тии мүнүүтэ буола-буола барыаҕа.
Оптуобустар иккиэн дьону Үс Хатыҥҥа киириигэ баар аспаалламмыт сиргэ илдьэн түһэриэхтэрэ. Оттон онтон түһүлгэҕэ диэри босхо илдьэр-аҕалар шаттлар сүүрүөхтэрэ.
Оптуобустар сарсыарда 07:00 чаастан сылдьаллар, хайалара даҕаны кондиционердаахтар.
155-с №-дээх оптуобус тохтобуллара: Медцентр – Гимеин – АГАТУ – Сайсары муостата – КФЕН – Университет – Аммосов искибиэрэ – Доҕордоһуу болуоссата – Ленин болуоссата – “Киин” киинэ тыйаатыра – 1 №-дээх успуорт оскуола – Өксөкүлээх Өлөксөй аатынан киин – Дьоруой Попов искибиэрэ – Архыып – ЯКСМК – Якутская – Кольцевая – Кыайыы паарката – Севостопольская – Новопортовская – Гагарин искибиэрэ – “Белое озеро” ырыынак – “Сулус” комплекс – ГАИ пуоһа – Грузовой терминал – Пекарня – Улахан Марха – Озерная – 1-кы Даача – 2-с Даача – Коммунальщик – Чолбон – “Сатал” СОТ – Жатай тиэрбэс суола – Үс Хатыҥ.
156-с №-дээх оптуобус тохтобуллара: Автовокзал – Октябрьская – Туймаада стадион – Бааһынай ырыынага – Сахамедстрах – Свердлова – ДЖО – Банковская – Архыып – ЯКСМК – Якутская – Кольцевая – Кыайыы паарката – Севостопольская – Новопортовская – Гагарин искибиэрэ – “Белое озеро” ырыынак – “Сулус” комплекс – ГАИ пуоһа – Грузовой терминал – Пекарня – Улахан Марха – Озерная – 1-кы Даача – 2-с Даача – Коммунальщик – Чолбон – “Сатал” СОТ – Жатай тиэрбэс суола – Үс Хатыҥ.
