Быйыл Саха сиригэр тоҕус биридимиэккэ судаарыстыба эксээмэнин 100 баалга 28 выпускник суруйда. Ол иһигэр саха уонна эбэҥки тылларыгар. 560 выпускник оҕо оскуоланы кыһыл уонна үрүҥ көмүс мэтээллээх түмүктээтэ.
Ол курдук, нуучча тылын 100 баалга барыта 9 оҕо тутарда, профильнай математиканы – 6, хиимийэни – 4, физиканы – 3, төрөөбүт тылы уонна литэрэтиирэни – 2, нуучча литэрэтиирэтин, географияны, устуоруйаны уонна информатиканы – биирдии.
2025—2026 сс. үөрэх дьылыгар 15 066 оҕо 9-с кылааһынан үөрэнэн бүттэ, 11-с кылааһы 8 171 оҕо бүтэрдэ. Онтон 560 оҕото – мэтээллээх.
Үөрэх миниистирэ Ньургууна Соколова этэринэн, быйыл орто анал үөрэх кыһаларыгар 9-с уонна 11-с кылаас кэннэ барыта 6 800, оттон үрдүк үөрэх кыһаларыгар 5 277 бүддьүөт миэстэтэ көрүллүбүт.
