Бэҕэһээҥҥиттэн, атырдьах ыйын 4 күнүттэн, “СибОйл” хампаанньа Дьокуускай куоракка АИ-95 бэнсиини атыылаан бүттэ. Атырдьах ыйын 5 күнүттэн Окружной суолга бэҕэһээҥҥэ диэри уматыгы суос-соҕотох көҥүл атылыы турбут сапыраапкаҕа хааччах киирдэ. Ол туһунан хампаанньа салайааччыта Сергей Черных эттэ.
“Атырдьах ыйын 5 күнүттэн АИ-95 бэнсиин бары сапыраапкаҕа атыыламмат буолла, мобильнай сыһыарыынан эмиэ. Уматык ахсаана аҕыйаабытынан, Окружной суолга баар сапыраапкаҕа АИ-95 мааркалаах бэнсииҥҥэ эмиэ хааччах киирдэ. Уу харчынан да, баан каартатынан да атыыламмат. Бэнсиини уматык каарталарынан эрэ куттуохха сөп. АИ-92 уонна сэлээркэҕэ билиҥҥитэ хааччах суох. Балаһыанньа кэлин хайдах буолуон этэр уустук. Бэйэбит да кэтэһэ олоробут. Барыта богуоннар хайдах сүөкэнэллэриттэн тутулуктаах буолуо”, – диэн Сергей Черных быһаарар.
