Бүгүн, атырдьах ыйын 5 күнүгэр, өрөспүүбүлүкэ сорох улууһугар “минус” кыраадыс буолуоҕа.
Гидрометкиин Саха сиринээҕи салаата этэринэн, бу түүн өрөспүүбүлүкэ хотугу улуустарыгар, ону тэҥэ Ньурбаҕа уонна Сунтаарга олус тымныы буолара күүтүллэр: түүн халлаан дьайҕаран ылар кэмигэр 0...-3 кыраадыска тиийэ тымныйыа. Киин улуустарга инньэ -2...-7 буолара сылыктанар.
Арктика кытылыгар, Үөһээ Дьааҥыга, Халыма-Индигиир сүнньүлэригэр, хотугулуу-арҕаа улуустарга уонна Өлүөнэ алын тардыытыгар көтө сылдьан кыралаан ардыаҕа, хайалаах сирдэргэ инчэҕэй хаар түһүө. Соҕуруу эмиэ ардыаҕа.
Бүгүн күнүс киин улуустарга +12..+17, арҕаа +17...+22, хотугулуу-илин уонна хоту +4...+9, байҕал кытылыгар -1...+4 кыраадыс.
Дьокуускайга бу түүн +4...+6 кыраадыс тымныы. Эбиэт кэннэ +14...+16 буолуоҕа. Ардах-хаар күүтүллүбэт.
