Үөһээ Дьааҥы улууһугар халаан балаһыанньата этэҥҥэ: Дьааҥы өрүс хаатыгар түстэ. МЧС быыһааччылара чөлүгэр түһэрэр үлэ сүрүн түһүмэҕин түмүктээтилэр. Ол туһунан биэдэмистибэ бэйэтэ суруйар.
Суордаахха, Томторго уонна Верхоянскайга төһө суумалаах хоромньу оҥоһуллубутун өссө да ааҕа сылдьаллар. Бэҕэһээ МЧС бөртөлүөтэ Сайдыыга, Суордаахха уонна Томторго 5,5 туонна таһаҕаһы тиэрдибит. Улууска уопсайа 20 туоннаттан тахса ыйааһыннаах гуманитарнай көмө тиийбит. Нэһилиэктэр аһынан-үөлүнэн, эминэн-томунан толору хааччыллыбыттар.
“Бары нэһилиэктэр олохтоохторугар көмөлөстүбүт: уу хачайданна, сиигирбит муоста көтүрүлүннэ, ууну тутар быһыттар кутулуннулар, дьону эвакуациялаатыбыт, о.д.а. Территориялы оннугар түһэрдибит”, – диэн МЧС Саха сиринээҕи салаатын Сүрүн управлениетын салайааччытын э.т. Виталий Немцов эттэ.
Балаһыанньа эмиэ уустугурар түгэнигэр диэн, 90 киһилээх аэромобильнай бөлөх уонна 11 тиэхиньикэ бэлэм турар.
