Дьокуускай куорат атырдьах ыйын 10 күнүнээҕи планёркатыгар уунан хааччыллыы уонна бөҕү-саҕы кэмигэр хомуйуу, салайар хампаанньалар үлэлэрин уонна күөллэр кытылларын көрүү-истии боппуруостарын көтөхтүлэр.
Бу мунньахха куорат баһылыга Дмитрий Садовников: «Куорат дьаһалтата тус үлэтигэр олохтоохтор этиилэрин ориентир оҥостуоҕа. Кыһалҕалары, үҥсүүлэри аҥаардас суругунан эрэ буолбакка, дьиҥнээхтии быһаарыахха наада», – диэн бэлиэтээтэ.
Планёрка кыттыылаахтара Звёзднай түөлбэ уунан хааччыллыытын, Кырдьаҕас Куоракка ыһыллыы-тоҕуллуу, салайар хампаанньалар мөлтөх үлэлэрин дьүүллэстилэр. Улахан болҕомто Сайсаар уонна Талай күөллэр кытылларыгар уурулунна. Онно соторутааҕыта аҕай тутуллубут эбийиэктэр дьалаҕай сыһыантан «буомбалааһыны» ааспыт курдук мөлтөх туруктаммыттара бэлиэтэннэ.
«Итинтэн киһи саатар», – диэн куорат баһылыга Дмитрий Садовников эттэ. Кини кыһалҕалары туоратарга чопчу болдьохтору анаата уонна кыаллар буоллаҕына, бэдэрээччиттэри кытта эрдэтээҕи мэктиэлэринэн үлэлэһэргэ ыҥырда.
«Куораппыт төгүрүк сылы быһа тупсаҕай көстүүлээх буолуохтаах. Бэрэбиэркэ эрэ кэллэҕинэ буолбакка. Манна куорат сайдыытын туһугар ыалдьар дьоҥҥо махтанабын», – диэн эбэн эттэ.
Бэй. кэр.
Хаартыска:
