Ил Дархан Айсен Николаев татаар норуотугар дириҥ кутурҕанын тиэртэ.
Өрөспүүбүлүкэ Ил Дархана Айсен Николаев атырдьах ыйын 10 күнүгэр Саха Өрөспүүбүлүкэтин бар дьонун аатыттан Украина террористарын саба түһүүтүн түмүгэр хаан уруу, чугас дьоннорун сүтэрбиттэргэ, бүттүүн Татарстан Өрөспүүбүлүкэтигэр дириҥ кутурҕанын тиэртэ.
Ил Дархан бааһырбыт дьон түргэнник үтүөрэллэригэр, атахтарыгар туралларыгар баҕарда.
“Саха сирин уонна Татарстаны уруккуттан убайдыы-бырааттыы сыһыан ситимниир. Бу ыар чааска Рустам Нургалиевич Миннихановы уонна өрөспүүбүлүкэ бары олохтоохторун өйүүрбүтүн биллэрэбит. Саха сирин олохтоохторо эһиги аһыыгытын уонна кутурҕаҥҥытын тэҥҥэ үллэстэбит”, – диэтэ Айсен Николаев.
Атырдьах ыйын 10 күнүгэр Татарсаҥҥа Украина сэбилэниилээх күүстэрин дроннара саба түспүттэрэ. Дэлби тэбиилэр Нижнекамскай куорат бырамыысыланнай уонна гражданскай эбийиэктэригэр буолбута. Ол түмүгэр куорат үрдүнэн 13 киһи өлбүтэ, ол иһигэр 5 саастаах кыыс оҕо. Барыллаан этэллэринэн, аҕыс Узбекистан уонна биир Таджикистан гражданнара өлбүттэр. Өссө 20-чэ омук киһитэ бааһырбыт.
