Саха сиринээҕи киин быыбардыыр хамыыһыйа бэрэссэдээтэлэ Евгений Федоров иһитиннэриитинэн, быһа барыллаан ааҕыынан, балаҕан ыйынааҕы быыбар күннэригэр Саха сирин олохтоохторун 51,2 % кыттара сабаҕаланар, ол эбэтэр быыбардыыр учаастактарга 320-340 тыһ. кэриҥэ киһи кэлэрэ күүтүллэр.
Саха сирин дьоно-сэргэтэ, үгэс быһыытынан, быыбарга көхтөөх кыттыыны көрдөрөллөр. Холобур, 2016 сыллаахха быыбардааччы 48,6 % кыттыбыта бэлиэтэммитэ. Санатан эттэххэ, өрөспүүбүлүкэҕэ уопсайа 644 605 быыбардааччы баар.
