Саха сирин соҕуруу улуустарыгар бэнсиин сууккатааҕы нуорматын өссө 5 туоннанан элбэтэн биэрдилэр. Оттон Аллараа Бэстээххэ диисэлгэ хааччах тохтотулунна.
Атырдьах ыйын 11 күнүгэр Алдан уонна Нерюнгри улуустарыгар АИ-92 уматыкка нуорманы эбии 5 туоннанан үрдэттилэр, онон сууккаҕа кутуллар бэнсиин өлүүтүн 25 туоннаҕа тиэртилэр (эбиллии 25 %). Аллараа Бэстээххэ диисэли кутуу хааччаҕа букатын уһулунна. Санатан эттэххэ, уматыкка дэписиит үөскээн өрөспүүбүлүкэ сорох улуустарыгар хааччахтааһын олохтоммута.
Kyym.ru
Хаартыска: Аан ситимтэн.
