2026 сыл бастакы аҥарын түмүгүнэн, Саха сирин олохтоохторун бааннарга уурунууларын кээмэйэ 255 млрд. солк. тэҥнэстэ. Бу ааспыт сыллааҕар 13 %-нан элбэх.
“Сүрүн ыстаапка уонна уурунуу бырыһыана намтаабытын да үрдүнэн, өрөспүүбүлүкэ олохтоохторо үптэрин-харчыларын бааҥҥа харайалларын ордороллор. Уурунуу харчы ыксаллаах түгэҥҥэ өрөһүлтэ буоллаҕа. Физическай сирэйдэр, кыра уонна орто тэрилтэлэр депозиттарыгар уонна счеттарыгар баар харчылара судаарыстыбанан харыстаналлар. Ол аата, өскөтүн, баан лиссиэнсийэтин сүтэрдэҕинэ, уурунуулаах килийиэннэр 1,4 мөл. солк. тиийэ харчыларын төнүннэрэр кыахтаахтар”, – диэн Арассыыйа баанын Саха сиринээҕи салаатын салайааччыта Антон Коноплев бэлиэтээтэ.
Саха сирин олохтоохторо харчыларын солкуобайга ууруналлар, о.э. 98 % уурунуу дойду валютатыгар харайыллар. 2026 сыл от ыйын 1 күнүгэр өрөспүүбүлүкэ дьонун уонна тэрилтэлэрин бааннарга сытар харчыларын кээмэйэ 394 млрд. солк. тэҥнэспит, о.э. сыл устата 8,5 % үрдээбит. Бу үп түөрт гыммыт биирэ хампаанньалар, тэрилтэлэр харчылара.
Бэй.кэр.
Хаартыска: Российская газета.
