Саха сиригэр “Земскэй дуоктар” уонна “Земскэй фельдшер” бырагыраамалар көхтөөхтүк олоххо киирэллэр.
Бүгүҥҥү туругунан, өрөспүүбүлүкэ араас куораттарыгар уонна улуустарыгар үлэлии барарга уопсайа 62 дуогабар түһэрсиллибит, ол иһигэр 39 быраас уонна 23 фельдшер саҥа үлэ миэстэтин булбуттар. Былырыын маннык 111 дуогабарга илии баттаммыта. Оттон быйыл 106 миэдиккэ квота арыллан турар. Онон ким бу бырагыраамалары сэҥээрэр, өссө да хапсыан сөп, миэстэ баар. Ол курдук, тыа сиригэр үлэлиир барар быраастарга 2 мөл. солк., оттон фельдшердарга – 1 мөл. солк. биир кэмнээх харчынан өйөбүл көрүллэр. Маны таһынан, 50 тыһ. тиийбэт нэһилиэнньэлээх куораттарга үлэлии барар бырааска 1 мөл. солк, оттон фельдшерга – 500 тыһ. солк. суумалаах көмө оҥоһуллар.
Kyym.ru
Хаартыска: Семен Аммосов/«Якутия 24»
