Нам улууһугар борокуратуура ыкка ытыттарбыт оҕоҕо 100 тыһ. солк. моральнай хоромньу төлөнөрүн ситистэ.
Нам улууһугар Бүтэй-Үрдэ сэлиэнньэтигэр 2013 сыллаах оҕоҕо ытырыык ыт саба түспүтэ. Оҕо уҥа сарынын күүскэ ытыттарбыта. Ол түмүгэр өр кэм устата илиитэ ыалдьан моһуогурда, уҥа ытыһын сутуруктуу кыайан туппат буола эчэйбитэ. Онуоха суут ытырыык ыттаах хаһаайыҥҥа эмсэҕэлээбиккэ 100 тыһ. солк. төлүүрүгэр уураахтаата. Бу быһаарыы туолуута борокуратуура хонтуруолугар сылдьар.
Kyym.ru
Хаартыска: shutterstock.com
MAX ханаалбытыгар кыттыһаргытыгар ыҥырабыт, өссө элбэх сахалыы сонуннар күүтэллэр: https://max.ru/join/db9mNXa521xrlrCKpuR1giif2-TeEMK9592hLc0ABcU
