Атырдьах ыйын 17 күнүнээҕи туругунан, “Дьокуускайдааҕы ньиэп базатын” сэттэ салаатыгар уматыкка быстах кэмнээх хааччахтааһын оннунан хаалбыт. Ол туһунан СӨ Гражданскай оборуонаҕа уонна олох-дьаһах куттала суох буолуутун хааччыйыы миниистирин солбуйааччы Айаал Вензель иһитиннэрдэ.
Кини: “Өрөспүүбүлүкэҕэ саҥа баартыйа уматык кэлиэр диэри, хааччахтааһын оннунан хаалkf”, – диэн бэлиэтээн эттэ. Маныаха суһал сулууспаларга туох да хааччах суох.
Уматыгы Дьокуускай к. 202-с түөлбэтин, Покровскай к., Мохсоҕоллоох, Маҕарас, Булгунньахтаах, Илбэҥэ уонна Кангалаас АЗС-тарыгар сууккаҕа нуорманан куталлар. Ону таһынан, ити ыстаансыйаларга АИ-92 бэнсиини уу харчынан да, каартанан да төлөөн кыайан ылбаккын. 2-с, 6-с, 8-с, 12-с, 15-с, 5-с, 62-с ыстаансыйаларга уонна Сиинэтээҕи КАЗС уматыгы хааччаҕа суох куттуохха сөп. Оттон 1-кы, 3-с уонна 4-с №-дээх саппыраапкаларга төлөбүргэ олохтоммут эрдэтээҕи хааччахтааһыннар син биир үлэлии тураллар.
Kyym.ru sakha.gov.ru матырыйаалынан.
Хаартыска: «Саханефтегазсбыт» пресс-сулууспата.
