Атырдьах ыйын 26 күнүттэн “Пятница” ханаалга “Адский шеф” диэн асчыттар биэриилэрин 4-с саҥа сезона саҕаланаары турар. Онно Саха сириттэн төрүттээх эдэр асчыт Владимир Герасимов кыттыаҕа.
Саха сирин 22 саастаах асчыта Владимир Герасимов аатырбыт Константин Ивлев “Молодые ножи. Новая кровь” диэн реалити-шоу иккис сезонугар кыттыбыта. Онно кинини Ивлев хара бастакыттан бэлиэтии көрбүтэ. Хомойуох иһин, Владимир биэтэккэ тиийэн иһэн, сыыһа-халты туттан кэбиһэн, шоуттан уһуллан хаалбыта.
Асчыт уол бэйэтэ этэринэн, кини өрдөөҕүттэн Константин Ивлевтыын маннык хабааннаах шоуга уһуллуон, бииргэ үлэлэһиэн баҕарар эбит. Онон, ыра санаата туоллаҕа. Кини кумирын кытта иккис төгүлүн уһуллар дьолго тигистэ! Бу курдук, сыаллах-соруктаах киһи баҕа санаатын хайаан да ситиһэн хаалар!
Yakutia24/Якутия24
Хаартыска: Yakutia24/Якутия24, Пятница
