Атырдьах ыйын 25-с күнүгэр Дьокуускайга полиция 4-с №-дээх отделын участковайдара ыарахан сыанаҕа көҥүлэ суох бэнсиини атыылыы сылдьыбыт 27 саастаах “перекупщигы” туттулар.
Полиция үлэһиттэрэ быһаарбыттарынан, эр киһи Дьокуускай биир сапыраапкатыттан 95-тээх бэнсиини атыылаһан баран, лиитэрэтин 266 солкуобайга атыылыы сылдьыбыт, биллэриитин социальнай ситиминэн тарҕаппыт. Кинини 202-с түөлбэттэн туппуттар, массыынатын багажнигыттан 30 лиитэрэ уматыгы былдьаабыттар.
Дьиҥэр, наһаа элбэҕэ суох, киһи чэчирээн барбат элбэх бэнсиинэ эрээри, итинник быһыыланар сокуонунан бобуллар буолан, РФ КоАП 14.1 ыстатыйатынан (көҥүлэ суох урбаан) дьыала тэрийбиттэр. Онон урбаанньыттаан бүтээхтээбит.
Кыым.ру.
Хаартыска: СӨ ИДьМ
