Кылгас сайыны былдьаһа өрөспүүбүлүкэ бары хаһаайыстыбалара үрүҥ илгэни үрүлүтэн түбүгүрэллэр. Бүгүҥҥү туругунан, кимнээх төһө үүтү ыабыттарын сэҥээрэн билсиэххэ.
Күн бүгүн Саха сирин хаһаайыстыбалара уопсайа 42 229,1 туонна үүтү ыан бэлэмнээтилэр. О.э. 2026 сыллааҕы былаан 77,4 % туолла. Бүгүҥҥү күннээххэ, Мэҥэ Хаҥалас улууһугар 4719 туонна үүт ыанна, Сунтаарга – 4512 туонна, Чурапчыга – 3674 туонна, Хаҥаласка – 336 туонна, Аммаҕа – 3168 туонна, Бүлүүгэ – 3123 туонна уонна Ньурбаҕа – 2788 туонна. Оттон Дьокуускайга 2503 туонна үүтү бэлэмнээтилэр.
Билигин Саха сирин үрдүнэн 56 тэрилтэ үүтү тутан астыыр. Быйыл үүккэ анаан 3,7 млрд. солк. көрүллүбүтэ, о.э. 65,7 тыһ. туонна үрүҥ илгэ туттарыллан астаныахтаах. Билиҥҥитэ улуустарга уопсайа 2,861 млрд. солк. тиэрдиллибит, о.э. төлөнүллүбүт үбүлээһин уопсайэ кээмэйэ 78,8 % тэҥнэспит.
Kyym.ru.
Хаартыска: СИА.
