Арассыыйа Федерациятын оборуонаҕа миниистирэ Андрей Белоусов Арассыыйа Дьоруойун “Кыһыл көмүс сулус” мэтээлин биир дойдулаахпытыгар Виктор Софроновка үөрүүлээх быһыыга-майгыга туттарда.
Дойду муҥур үрдүк наҕараадатынан гвардия сержана Виктор Андреевич сэрии хонуутугар бэйэтин хорсуннук көрдөрөн уонна байыаннай андаҕарга уһулуччу бэриниилээҕин иһин ылла.
Виктор Софронов 2022 сыл алтынньытыттан АБДь-га сылдьар. Уустук түгэҥҥэ биир дойдулаахпыт бэйэтин хорсун идэтийбит буойун быһыытынан көрдөрбүт. Кини сатабыллаах быһаарыныылара бойобуой сорудахтары ситиһиилээхтик толорорго көмөлөспүттэр.
Kyym.ru.
Хаартыска: max.ru/aisen_nikolaev
