Бу күннэргэ Бошкортостан өрөспүүбүлүкэтигэр норуот бэйиэтэ Рами Гарипов 90 сааһын бэлиэтииллэр. Кини Сэбиэскэй Сойуус, кэлин Арассыыйа үрдүнэн киэҥник биллибит, үгүс айымньыта араас омук тылынан тылбаастаммыт уһулуччулаах бэйиэт.
Үбүлүөйдээх тэрээһин чэрчитинэн, Рами Гарипов “Туган тел” (“Төрөөбүт тыл”) диэн хоһоонун араас омук дьоно бэйэлэрин тылларынан аахпыттар. Ол иһигэр – сахалыы.
Бу үөрүүлээх сонуну биһиги тапталлаах бэйиэппит сахалыы эмиэ саҥарбытын саха дьоно биллин диэн, биир идэлээхпит, башкир суруналыыһа Динис Хызыров үллэһиннэ.
"Читаем Рами Гарипова" биидьийэни субу сигэнэн киирэн көрүҥ https://vk.com/salyam_bst?w=wall-76222094_19040
