Киир

Киир

Чурапчы улууһун «саҥаолох.рф» официальнай саайтыгар суруллубутунан, бэҕэһээ Чурапчы улууһун Чуораайытта сайылыгар, Семен Андреевич Новгородов пааматынньыгар төрөөбүт тыл, сурук-бичик күнүнэн улуус, Болтоҥо нэһилиэгин дьаһалтата, уопсастыбаннаһа сибэкки дьөрбөтүн уурдулар. Олунньу 13 күнэ – сахалартан бастакы тыл үөрэхтээх учуонай, уһулуччулаах сырдатааччы, саха маассабай суругун-бичигин төрүттээччи, сахалыы тылынан бастакы үөрэх кинигэлэрин суруйбут, бэчээттэтэн таһаарбыт Семен Андреевич Новгородов төрөөбүтэ 130 үбүлүөйүнэй сыла.

1 Новгородов

2 Новгородов

3 Новгородов

Семен Новгородов 1913 сыллаахха ахсынньыга Санкт-Петербурдааҕы университет илиҥҥи тыллар факультеттарыгар үөрэнэ сылдьан, Бүтүн Арассыыйатааҕы норуот учууталларын сийиэстэригэр оҕону төрөөбүт төрүт тылынан үөрэтии хайаан да ыытыллыахтааҕын туһунан дакылаат оҥорбута.

4 Новгородов

6 Новгородов

7 Новгородов

8 Новгородов

Ити кэнниттэн, 1917 сыллаахха Семен Андреевич 4 тыһ. ахсаанынан саха букубаарын бэлэмнээн таһааттарбыта. Ити кэмтэн оскуолаларга төрүт тылынан үөрэтии акылаата түһэриллибитэ. 1923 сыллаахха Семен Новгородов чахчы тулуурдаах үлэтинэн, сыратынан Петроградка кини алпаабытынан саха шрибэ кутуллан оҥоһуллубута. Онон Семен Андреевич саха төрүт тыла сайдарын туһугар үлэлээбитэ тугунан да кэмнэммэт сыаннаһынан буолар.

Кини саха норуотугар үтүөтүн сыаналаан бүгүн Чурапчы улууһун уопсастыбаннаһа убаастабылы биллэрэн, кини пааматынньыгар сибэккэ дьөрбөтүн уурда. Тэрээһиҥҥэ улуус баһылыга Степан Саргыдаев, улуус дьокутааттарын Сэбиэтин бэрэссэдээтэлэ Афанасий Захаров, Болтоҥо нэһилиэгин баһылыга Варвара Макарова, улуус култуураҕа салалтатын аатыттан Валерий Герасимов, Семен Новгородов аатынан Чурапчы орто оскуолатын дириэктэрэ Надежда Уарова, Болтоҥо оскуолатын иһинэн үлэлиир Семен Новгородов түмэлин салайааччы Захар Егоров тыл эттилэр.

9 Новгородов

10 Новгородов

11 Новгородов

12 Новгородов

13 Новгородов

14 Новгородов

Санатан эттэххэ, улуус баһылыга Степан Анатольевич Саргыдаев дьаһалынан, олунньу 4 күнүттэн 17-с чыыһылаҕа диэри лингвист Семен Андреевич Новгородов төрөөбүтэ 130 сылыгар аналлаах кэккэ дьаһаллар, тэрээһиннэр ыытылла тураллар.

15 Новгородов

Ылыллыбыт сигэтэ: https://xn--80aa7aggbp2b.xn--p1ai/article/41847

Тарҕат:

Санааҕын суруй