panorama.pub саайка суруллубутунан, Юстиция министиэристибэтэ Арассыыйа Федерациятыгар улахан наадата суох бырааһынньыктар уонна өйдөбүнньүк күннэр испииһэктэригэр уларытыыны киллэрбит. Ол быыһыгар, Сибэтиэй Балантыын күнүн боборго санаммыттар. Онон, 2022 сыл олунньу 8 күнүттэн, бу күнү бэлиэтээбэт буоллубут.
«Биһиэхэ дойдубут олохтоохторо уонна уопсастыбаннай тэрилтэлэр бэрэстэбиитэллэрэ арҕааҥҥы бырааһынньыктар наһаа тарҕанан эрэллэрин туһунан долгуйбуттарын хаста даҕаны биллэрбиттэрэ. Ыытыллыбыт эспэртииһэ түмүгүнэн, Арассыыйа сиригэр-уотугар Сибэтиэй Балантыын күнүн бэлиэтиири хааччахтыыр туһунан быһаарыыны ылыммыппыт. Бу биһиги бырааһынньыкпыт буолбатах, көҥүл сыһыаны пропагандалыыр уонна ыал буолуу үнүстүтүүтүгэР кутталы үөдүтэр», - диэн Арассыыйа юстициятын миниистирин солбуйааччы Всеволод Марков этэр.
Юристар бэлиэтииллэринэн, олохтоохтор бэйэлэрэ бу бырааһынньыгы ылаллара көҥүллэнэр эрээри, уопсастыбаннай сирдэргэ бэлиэтииллэрэ бобуллар. Маны таһынан, Сибэтиэй Балантыын тиэмэтигэр сыһыаннаах киинэлэр, көмпүүтэр оонньуулара уонна муусукаалынай айымньылар эмиэ бобуллуох курдук буолбуттар.
