Киир

Киир

Өлүөнэ күргэтин  бэлэмнэнии уонна сүрүн диэн икки түһүмэҕинэн тутуохтара. 

СӨ бырабыыталыстыбатын бэрэссэдээтэлин бастакы солбуйааччыта Дмитрий Бердников «Якутия live» биэрии аһаҕас эпииригэр Өлүөнэ күргэтин тутуу бэлэмнэнии түһүмэҕэр олохтоох «Арктик Бур» «Техстрой», «Якутцемент», «Техэлектроснаб» бэдирээччиктэр, ону сэргэ 150 олохтоох исписэлиис үлэлии сылдьаллар диэн кэпсээбит. 

Кини бүгүҥҥү туругунан бу түһүмэххэ туох үлэ барбытын бэлиэтээбит. Өрөспүүбүлүкэ бүддьүөтүн үбүнэн уонна «ВИС» Группа концессионер көмөтүнэн Өлүөнэ хаҥас кытылыгар  ВЛ-10 кВ уот ситимэ, Майа-Табаҕа учаастагар ВЛ-110 кВ уот лиинийэтэ саҥаттан тардыллыбыт. Маны сэргэ 1 №-дээх технологическай былаһаакканы тэрийэн оҥорбуттар, тутуу барар сиригэр 36 тыһ. куб кумаҕы куппуттар, 276 суол билиитэтин уурбуттар, сырдыгынан хааччыйбыттар. 

«Күргэ тутуута саҕаланнаҕына, тыһыынчаттан тахса олохтоох каадыры үлэҕэ ылар соруктаахпыт. Бу соругу Өрөспүүбүлүкэ нэһилиэнньэ дьарыктаах буолуутун судаарыстыбаннай кэмитиэтин кытта бииргэ толоруохпут», - диэн Бердников тоһоҕолоон эппит. 

Санатан этэр буоллахха, 2021 сылга судаарыстыбаннай эспэртиисэ сөбүлэҥин ылыы кэннэ  күргэ тутуутун бэлэмнэнии түһүмэҕэ саҕаламмыта. 2022 сылга бырайыага уонна симиэтэтэ бигэргэннэҕинэ, күргэни тутуу сүрүн түһүмэҕэ саҕаланыахтаах.

Тарҕат:

Санааҕын суруй

Бүтэһик сонуннар