Бу иннинээҕи күн 1397 киһи ыалдьыбыта биллэр.
Суукка иһигэр өрөспүүбүлкэ лабаратыарыйаларыгар саҥа хоруона вируһун булууга 3833 чинчийии оҥоһуллубут. Хамсык саҕаланыаҕыттан 2 082 944 тиэст чинчийиллибит.
Ордук элбэх киһи Дьокуускай куоракка ыалдьыбыт – 476. Оттон үтүөрбүт киһи ахсаана – 1630.
Оттон улуустарга төһө киһи ыалдьыбытый?
– Алдан оройуонугар – 151,
– Нам улууһугар – 83,
– Нерюнгри оройуонугар – 65,
– Мэҥэ Хаҥаласка – 63,
– Таатта оройуонугар – 61,
– Ньурба оройуонугар – 32,
– Уус-Алдан улууһугар – 29,
– Амма улууһугар – 28,
– Үөһээ Бүлүү, Хаҥалас улуустарыгар – 11,
– Кэбээйи оройуонугар – 10,
-– Өймөкөөн, Өлөөн оройуоннарыгар – 9,
– Өлүөхүмэҕэ – 5,
– Үөһээ Дьааҥы, Бүлүү, Томпо оройуоннарыгар – 4-түү,
– Усуйаанаҕа – 3-түү,
– Муома, Аллараа Халыма, Орто Халыма, Сунтаар улуустарыгар – 2-лии.
Федеральнай суһал ыстаап киинэ иһитиннэрэринэн, олунньу 15 күнүнээҕи туругунан, 104 киһи балыыһаҕа киирбит. Оттон өрөспүүбүлүкэтээҕи суһал ыстаап киинэ иһитиннэрэринэн, ааспыт сууккаҕа саҥа ыалдьыбыт дьонтон 86 киһи балыыһаҕа киирбит.
Санатар буоллахха, олунньу 11 күнүгэр Саха сиригэр хамсык хааччахтара сымнаабыттара. Айсен Николаев саҥа уурааҕынан, атыы-эргиэн кииннэригэр киириигэ QR-куот көрдөөбөт буолбуттар. Маны таһынан, уоппуска эбэтэр өрөбүллэр кэннилэриттэн үлэҕэ тахсыыга ПЦР уонна ИХА-тиэст ирдэбилэ тохтообут.
Сахабыт сирин үрдүнэн эрэстэрээннэр, кафелар, остолобуойдар, буфеттар, баардар, банкыатынай саалалар уонна даҕаны атын уопсастыбаннай аһылык тэрилтэлэрэ түүн 00.00 чааска диэри үлэлиир буолбуттара.
