Өрөспүүбүлүкэтээҕи суһал ыстаап киинэ иһитиннэрэринэн, бүтэһик суукка иһигэр 1 354 киһи саҥа хоруона вируһунан ыарыйда. Бу иннинээҕи күн 1066 киһи ыалдьыбыта биллэр. Оттон үтүөрбүт киһи ахсаана – 4 329.
Суукка иһигэр өрөспүүбүлүкэ лабаратыарыйаларыгар саҥа хоруона вируһун булууга 5 041 чинчийии оҥоһуллубут. Хамсык саҕаланыаҕыттан 2 087 985 тиэст чинчийиллибит.
Ордук элбэх киһи Дьокуускай куоракка ыалдьыбыт – 650.
– Нерюнгри оройуонугар – 97,
– Таатта оройуонугар – 54,
– Алдан оройуонугар – 53,
– Ленскэйгэ – 50,
– Уус-Алдан улууһугар – 47,
– Мэҥэ Хаҥаласка, Томпоҕо – 46 - лыы,
– Нам улууһугар – 40,
– Өлүөхүмэҕэ – 36,
– Чурапчыга – 29,
– Бүлүү оройуонугар – 24,
– Эбээн-Бытантай оройуонугар – 23,
– Үөһээ Дьааҥы, Сунтаар улууһугар – 19,
– Мииринэйгэ – 15,
– Амма улууһугар – 14,
– Ньурба, Орто Халыма оройуоннарыгар – 13-түү,
– Хаҥалас улууһугар – 12,
– Аллайыахаҕа, Өймөкөөҥҥө – 10-нуу,
– Үөһээ Бүлүү, Кэбээйи улуустарыгар – 9-туу,
– Өлөөн оройуонугар – 7,
– Горнайга – 4,
– Булуҥ, Аллараа Халыма улуустарыгар – 2-лии,ф
- – Уус Майдаҕа – 1-дии..
Федеральнай суһал ыстаап киинэ иһитиннэрэринэн, олунньу 16 күнүнээҕи туругунан, 96 киһи, ол эбэтэр ыалдьыбыт дьонтон 7,1% балыыһаҕа сытан эмтэнэр.
Санатар буоллахха, олунньу 11 күнүгэр Саха сиригэр хамсык хааччахтара сымнаабыттара. Айсен Николаев саҥа уурааҕынан, атыы-эргиэн кииннэригэр киириигэ QR-куот көрдөөбөт буолбуттар. Маны таһынан, уоппуска эбэтэр өрөбүллэр кэннилэриттэн үлэҕэ тахсыыга ПЦР уонна ИХА-тиэст ирдэбилэ тохтообут.
Сахабыт сирин үрдүнэн эрэстэрээннэр, кафелар, остолобуойдар, буфеттар, баардар, банкыатынай саалалар уонна даҕаны атын уопсастыбаннай аһылык тэрилтэлэрэ түүн 00.00 чааска диэри үлэлиир буолбуттара.