Киир

Киир


2022 сыл Дойдуга – Арассыыйа норуоттарын култуурунай нэһилиэстибэлэрин, Саха сиригэр – Ийэ уонна Чурапчы улууһугар – Ийэ сылынан биллэриллибитэ. Чурапчы улууһугар сыл кэнсиэпсийэтин биир сүрүн хайысхатынан – Ийэ тыл киирбитэ мээнэҕэ буолбатах.


Чурапчы форум 2
Бүгүҥҥү “Тыл – омук тыына” өрөспүүбүлүкэтээҕи үһүс форум “Айылгы” НАДь-гэр онлайн көрүҥүнэн саҕаланна. СӨ Ил Дархана Айсен Николаев өссө төгүл сахабыт тыла үйэлэргэ симэлийэн хаалбатын туһугар күүстээх үлэ барыахтааҕын тоһоҕолоон бэлиэтээтэ.

Чурапчы форум 3

Чрупачы форум 4

Чурапчы форум 5

Тэрээһин үөрүүлээх чааһыгар, Марианна Слепцова салайааччылаах “Айгыл” фольклорнай түмсүү хомусчуттарын композицията уонна алгысчыт Валерий Герасимов тойуга иһилиннэ, Семен Новгородов аатынан Чурапчы орто оскуолатын үөрэнээччилэрэ хоһоон аахтылар.

Улуус баһылыга Степан Саргыдаев бэйэтин этиитигэр, бу бүгүҥҥү форум Саха бастакы учуонай-лингибиис, Саха суругун-бичигин төрүттээччи Семен Новгородов 130 сылыгар анаммыт дэкээдэ түмүктүүр чааһынан буоларын бэлиэтээтэ. Итини таһынан Степан Анатольевич саха тыла инники сайдар суолларыгар, Семен Андреевич бэйэтин төрөөбүт дойдутугар, Болтоҥо орто оскуолата саха тылын дириҥэтэн үөрэтэр киин буолуоҕун туһунан этиини киллэрдэ.

Чурапчы форум 6

Өрөспүүбүлүкэтээҕи “Тыл – омук тыына” форум мунньаҕар Чурапчы улууһун дьокутааттарын Сэбиэтин бэрэссэдээтэлэ Афанасий Захаров, улуус баһылыгын социальнай боппуруостарга солбуйааччы Мария Кронникова, Болтоҥо нэһилиэгин баһылыга Варвара Макарова,

улуус үөрэҕин салалтатын салайааччы Юрий Посельскай, “Ийэ тыл” методическэй литэрэтииринэй киин научнай салайааччыта Полина Егорова кыттыыны ыллылар.

Чурапчы форум һ

Ил Түмэн наукаҕа, үөрэххэ, култуураҕа, сонуннары киэҥник тарҕатар сириэстибэлэргэ уонна уопсастыбаннай тэрилтэлэр дьыалаларыгар сис кэмиэтин бэрэссэдээтэлэ Феодосия Габышева саха тылын инники сайдыытыгар чурапчыларга улахан эппиэтинэс сытарын эттэ. Ону таһынан Феодосия Васильевна, муус устар ыйга буолаары турар оскуола оҕолорун учуобунньуктарын үөрэтиигэ, сахалыы саҥа мунньаҕар, Семен Новгородов аатынан Чурапчы орто оскуолатын, Уот Субуруускай аатынан Болтоҥо орто оскуолатын учууталлара бука бары, улууска саха тылын учууталлара Фекла Болдовская уонна Жанна Барашкова салайааччылаах, инники үөрэтиигэ, сөпкө саҥарыыга, кэккэ боппуруостары дириҥник илдьиритиһэн, ырытыһан дьоһуннаах этиилэри, бырагыраамманы киллэрэллэригэр баҕа санаатын эттэ.


Ылыллыбыт сигэтэ: https://xn--80aa7aggbp2b.xn--p1ai/article/42232

Чурапчы улууһун официальнай саайта - саҥаолох.рф