Киир

Киир

Дьокуускайга “Якутопторг” оҕуруот аһын хаһаанар-харайар базатыгар кууһунан атыы, үллэрии киинэ арылынна. Кииҥҥэ өрөспүүбүлүкэ хотугу улуустарыгар тиэллиэхтээх оҕуруот аһа, фрукта уонна да атын социальнай суолталаах табаар хараллыа, тыырыллыа. Бу туһунан Ил Дархан уонна бырабыыталыстыба пресс-сулууспата иһитиннэрэр.

Өрөспүүбүлүкэ оҕуруот аһын хаһаанар саамай улахан базатын 2020 сылтан өрөмүөннээн, саҥардан-тупсаран бүтэрдилэр. Саҥа эбийиэк түөрт тыһыынчаттан тахса квадратнай миэтэрэ иэннээх. Киин иһигэр үс тыһыынча туонна хортуоппуйу, 140 туонна төгүрүк луугу хаһаанар анал сирдэр, 75 туонна оҕуруот аһын уонна фруктаны харайар, сойутар камералар, ону тэҥэ түргэнник буорту буолар аһы-үөлү уурар халадыынньыктар бааллар.

“Уустук суоллаах-иистээх нэһилэнньэлээх пууннарга таһаҕаһы тиэйэр ньыманы быйыл салгыы оҥоруохпут. Арктика аҕыс улууһугар – Усуйаанаҕа, Эбээн Бытантайга, Үөһээ Дьааҥыга, Абыйга, Аллайыахаҕа, Муомаҕа, Аллараа уонна Орто Халымаҕа – аһы-үөлү Ан-2 сөмөлүөтүнэн тиэрдиэхпит”, – диир премьер-миниистир Андрей Тарасенко.

Итини таһынан, быйыл бэс ыйыттан саҕалаан “Якутопторг” тэрилтэ хотугу улуустарга сорох табаары уонна бородууктаны Хотугу Муустаах байҕалынан таһыаҕа. Таһаҕаһы байҕалынан тиэйии-таһыы ороскуота тимир суол ороскуотунааҕар хас эмэ бүк чэпчэки дииллэр. Ол, биллэн турар, ас-үөл сыанатыгар дьайыахтаах.

Санаттахха, аһы-үөлү харайар-үллэрэр кииннэр былырыын Абыйга уонна Усуйаанаҕа арыллыбыттара. Быйыл Үөһээ Дьааҥыга, Эдьигээҥҥэ, Орто уонна Аллараа Халымаҕа арыллыахтаахтар.

Тарҕат:

Сэҥээриилэр

Байбал
0 Байбал 17.02.2022 23:35
Аадырыhа???
Ответить

Санааҕын суруй