Украина сэриитин айдаана: Джо Байден билгэтэ туолуо дуо?
Госдуума Донбасс өрөспүүбүлүкэлэрин билиниитэ туохха тиэрдиэн сөбүй? Эмиэрикэ Украина тула тыҥааһыны тохтообокко күүркэтэн, туох эрэ атын кэтэх санаалаах геобэлиитикэ “оонньуутун” тэрийбит курдук. АХШ бэрэсидьиэнэ Джо Байден Арассыыйа олунньу 16 күнүгэр Украинаҕа сэриинэн түһүөҕэ диэбит билгэтэ туолуо дуо? Ким да итэҕэйбэт да арҕаа дойдулар тоҕо ити сэриини күүркэтэллэрий? Ол туһунан Владимир Степанов “Байден сэрэдэҕэ Украинаҕа “сэрии буолар” диэбитэ...” диэн ыстатыйатын ааҕыҥ.
Сирбит-дойдубут аатын көннөрөр кэм кэллэ
Сирдэрбит аата хаһааҥҥа диэри бэрээдэктэммэккэ, чопчуламмакка, эбиитин нууччалыы сурулларыгар Сылгы Ытар, Тасагар, Кэйкюрюя, Донкодма диэн суох тылларынан суруллан туруохтарай?! Дьиҥинэн, итини көннөрөргө тирэх буолар сокуоннардаахпыт. Сир-дойду, эбэ, сыһыы, мэҥэ сирдэрбит ааттарын көннөрөр кэм кэллэ. Бу туһунан ааспыт нэдиэлэҕэ Ил Түмэн, улуустааҕы мунньахтар дьокутааттара, улуус, нэһилиэк баһылыктара, тыл үөрэхтээхтэрэ, Конституционнай сэбиэт бэрэссэдээтэлэ, бырабыыталыстыба бэрэссэдээтэлин солбуйааччы, сир аата сөпкө сурулларыгар интэриэстээх дьон түмсэн, ыллыктаах кэпсэтиини тэрийдилэр. Тоҕо аныаха диэри аал баһа хоҥнон быстыбатый? Чөркөөх нэһилиэгэ тоҕо бастыҥ холобур буолсу диэн түмүгү ылыннылар? Хайдах дьаһанан, ийэ тылбыт тыыннаах хааларыгар көмөлөһөбүт? Нэһилиэктэртэн тугу күүтэбит? Бу туһунан Татьяна Захарова-Лоһуура улахан матырыйаалын ааҕыҥ.
Сэрии иннинээҕи уонна кэминээҕи саха олоҕун туһунан
94 саастаах кырдьаҕас суруналыыс Дмитрий Николаев холкуостааһын, сэрии иннинээҕи уонна кэминээҕи саха олоҕун туһунан кэпсээнин ааҕыҥ. Күн бүгүн ити кэми илэ көрбүт, билбит да киһибит ахсааннаах. Оттон Дмитрий Николаевич ону олус бэркэ өйдүүр: хайдах кини дьиэ кэргэнин кулаактыы сыспыттарын, холкуостар тэриллибиттэрин, Ойуунускайдаах "тороскуус" аатырбыттарын, ойуун Киргиэлэй көрүүлэниитин, о.д.а.
Ыытааччы Эрилик инникигэ сайдам санаалара
Араадьыйа ыытааччыта Иван Тарасов-Эрэл Эрэлик: ''Үлэлии-хамсыы түһэн баран, дойдубар төннөр санаалаахпын. Дойдуга бэринии диэни мин итинник көрөбүн. Дойдуларын кытта ситими олоччу быһан барар дьону омнуолуубун. Тыа сирин сайыннарыыга, дьону алааска төннөрөр үлэ наада''. Эрэл Эрэлик итини таһынан саха араадьыйатыгар аркыастырдаах, хуордаах филармония төннөрө оруннааҕын туһунан санаатын суруналыыс Оксана Жирковалыын үллэһиннэ.
Арктикаҕа – субсидиялаах билиэттэр!
Саха сирин Арктикатын олохтоохторо Дьокуускайга диэри уонна төттөрү чэпчэтиилээх билиэтинэн көтөр кыахтаннылар. Ол уларыйыы бу сыл тохсунньу 1 күнүттэн олоххо киирдэ. “Манна өрөспүүбүлүкэ бүддьүөтэ билиэт сыанатын 60 %-нын уйунуоҕа” диэн СӨ Тырааныспарын миниистирин солбуйааччы Ольга Рафаилова иһитиннэрэр. Бу үөрээлээх сонун ымпыгын-чымпыгын хотуттан төрүттээх суруналыыс Диана Клепандина сырдатар.
Күүстээх санаатынан холобур буолар Харлампий Терентьев
Күөгэйэр күнүгэр сүүрэ-көтө сылдьыбыт киһи, соһуччу оһолго түбэһэн, суорҕан-тэллэх “иччитэ” буоллаҕына, бастаан утаа, ыар санааҕа ылларара өйдөнөр. Ыһыктынан кэбиспэккэ, бэйэ ис кыаҕын уһугуннаран, күүстээх санааны ылынан туруоруммут сыалы ситиһиэххэ сөп эбит. Биһиги бүгүҥҥү дьоруойбут – Үөһээ Бүлүүтээҕи Оҕо успуордун оскуолатын иһинэн үлэлиир “Дьулуур” уопсастыбаннай тэрилтэ тириэньэрэ Харлампий Терентьев – маннык иэдээҥҥэ түбэспит дьоҥҥо үтүө холобур буолар. Ол туһунан Туйаара Сиккиэр суруйуутун булан ааҕыҥ.
Алаас уола муоранан онус сылын устар
Сахаттан төһө элбэх муора хараабылын хапытаанын билэҕит? Суох дуо? Буолумуна. Ити идэни баһылаабыт саха ыччата тарбахха баттанар. Онтон биирдэрэ -- Амма ыччата Борис Григорьев. Кини билигин хараабыл хапытаанын көмөлөһөөччүтэ, штурман. Ол эрээри Борис уонунан араас дойдуну көрбүт, биир оччо байҕал долгунун тыырбыт, Амма бибилэтиэкэтин барытын кэриэтэ аахпыт киэҥ билиилээх исписэлиис. Дьоруойу кытта Альберт Капрынов кэпсэттэ.
Сунтаар кэрэ аҥара Люция Варламова тас дойдуга айана
Төһө да хамсык турдар, харантыын диэн хаайдаллар, дьон-сэргэ хаайтарбакка тас дойдуга тахсан сынньанар. Туора омук дьоно-сэргэтэ, норуота хайдах дьаһанан олороллорун, айан-сырыы сыаната төһөтүн, бу дойду куораттарыгар киһи тугу сэргии көрүөн сөбүн туһунан – ким билиэн баҕарыа суоҕай?! Сунтаар кэрэ аҥара Люция Варламова Египет, Эмират курдук дойдуларынан суоллааҕы бэлиэтээһиннэрин ааҕыҥ.
ӨЙДӨӨХ КИҺИ «КЫЫМЫ» ААҔАР!
