Киир

Киир

Бу күннэргэ Арассыыйа демилитаризация уонна денацификация  анал эпэрээссийэтин ыытар. Оттон Украина Арассыыйаны утары көмүскэнэбин диэн, судаарыстыба таһымынан сэриини биллэрэ илик. Ол аата Арассыыйаны саба түстэ дии илик. Оччотугар Зеленскэй аан дойдуну Арассыыйаны утары туруора сатыыра сокуоннай олоҕо суох буолан тахсар. 

***

Киев төгүрүктээһинэ ыга тууйуллан иһэр. Элбэх күүс мунньуллубут.  Хаһан штурмнууллара  чуолкай биллибэт. Улахан денацификация Киевкэ түмүктэниэхтээх буоллаҕа. АБК шоссены быһан, Житомир диэки хайыспыттар.

УСК Харьковка эйэлээх дьон олорор дьиэлэрин быыстарыгар улахан сэрии сэбин туруоран ытыалаан, саһа сылдьан утарсыы күүстээх. Ол иһин АБК 1945 с. Берлины ылыы курдук тактиканы туттан киирэр үһү. УСК биир улахан штабтарын үлтүрүппүттэр. Штурмалыыр бөлөх инники киирэр, күүстээх утарсыы кэллэҕинэ, сыал биэрэр. Ону авиация, артиллерия ыраастыыллар. Харьковка баар “Азов” биир этэрээтин куоттараары гыналлар үһү. Олор таҕыстахтарына, утарсыы мөлтүө дииллэр. УСК Харьковка өлбүтүнэн уонна бааһырбытынан 2 тыһ. кэриҥэ саллаатын сүтэрбит. Арассыыйа сэриилэрин утары ытыалаһыыга олохтоохтор самооборона тэринэн кыттыспаттар эбит. Ол аата Арассыыйа сэриилэрин олох өстөөх курдук көрбөт эбиттэр.

***

Соҕуруу Николаевтан барбыт бөлөх Вознесенскайы ылбыттар. Салгыы Одесса, Кривой Рог диэки барар суол аһыллыбыт. УСК чаастара АБК сэриилэрэ өрүстэри туоруурун мэһэйдээри элбэх муостаны дэлби тэптэрэллэрин -- атахха ытыныы дииллэр. Биһиэннэрэ түргэнник понтон муоста тутар буолан, хаайтарбат эбиттэр.

Мариупольга хаайыллыбыт аатырар националистическай этэрээттэр АБК эйэлээх дьон тахсарыгар гуманитарнай көрүдүөр арыйбытынан таһаарбаттар, хаайа сыталлар. Ол да буоллар, ДНР сэриилэрэ балайда иһирдэ киирбиттэр.

***

АБК уонна Украина куораттарын олохтоохторун сыһыаннара уларыйан иһэр. Биһиэннэрэ анарааҥҥылар тыыттахтарына эрэ эппиэттииллэр. Хас да куоракка, бэл, Украина чаастарын, олохтоох дьаһалтаны кытта кэпсэтэн, тыыппакка хаалларбыттар. Бэл, былаахтарын уһулбаттар. Онтон ханна АБК кэннилэриттэн саба түһэн ытыалыыллар да, төннөн кэлэн  үлтүрүтэллэр. 

***

Донбаска УСК Горловканы атаакалаан ылбыттарын, ДНР сэриилэрэ киэһэ төттөрү охсон босхолообуттар. Ити курдук, Арассыыйа УСК чаастарын биир-биир төгүрүйтэлээн бүтэрэн эрэр дииллэр. Бастаан Луганскай кэннинэн, Арассыыйа диэки хаайыллыбыт “хочуолу” бэриннэрэллэрэ түргэн буолуохтаах диэн сыаналыыллар.

Националистар Луганскай уобалас (Украина өттүн) Кременной диэн куоратын мээрин “Арассыыйа диэкигин” диэн дьиэтиттэн уоран илдьэн, суута-сокуона суох ытан кэбиспиттэр. Ол кэннэ Киевтэн “таҥнарыахсыт ытылынна” диэн биллэрбиттэр. Атын мээрдэри куттаан сааннахтара.

***

Тупсуу мунньаҕа уһаабыт, бүгүҥҥэ көспүт. Били “Ельцин, Кравчук, Шушкевич ССРС-ы ыспыт” Беловежскай Пущаларыгар кэпсэтэр буолбуттар. Хайдах эрэ куһаҕан ауралаах дойду. Туох эмэ тахсара дуу?

Владимир Степанов

Тарҕат:

Санааҕын суруй