Саха сирин түҥ былыргыттан 21-с үйэ саҥатыгар диэри устуоруйатын учуонайдар өссө 2013 сыллаахха суруйан саҕалаабыттара. Үс туомнаах сүҥкэн суолталаах кинигэни таһаараары, устуоруктар улахан чинчийэр үлэни ыыппыттара, эспэдииссийэлэргэ сылдьыбыттара, эспиэртэри кытта кэпсэппиттэрэ, элбэх суруйууну киэҥ эйгэҕэ таһаарбыттара.
Кинигэни суруйар ааптардар бөлөхтөрүн Арассыыйа наукатын академиятын Сибиирдээҕи салаатын Гуманитарнай чинчийии уонна Хотугу аҕыйах ахсааннаах норуоттар кыһалҕаларын институтун сүрүн научнай үлэһитэ, устуоруйа билимин дуоктара, профессор, академик Анатолий Алексеев салайбыта, сүрүн эрэдээктэр эмиэ кини буолбута.
Билигин үс туомнаах кинигэни https://e.nlrs.ru/collections/2691сигэнэн киирэн ааҕыаххытын сөп. Онуоха СӨ национальнай бибилэтиэкэтин саайтыгар https://e.nlrs.ru/regist бэлиэтэнэргит ирдэнэр. Ыйытыылаах буоллаххытына, 8 (4112) 45-58-55 нүөмэргэ эрийиэххитин сөп
