Киир

Киир

Бүгүн YKT.RU ааҕааччылара, идэлэринэн сөбүлүүр порталларын арыйан бараннар, ах бардылар. Кинилэр манна саайты төрүттээччи Арсен Томскай туһаайыытыттан атын саҥа сонуну булан аахпатылар. Салайааччы этэринэн, билигин Арассыыйаҕа буола турар быһыыга-майгыга, усулуобуйаҕа саайт үлэтэ кыайан табыллыбат, онон тохтоторго күһэллэллэр.

Арсен Томскай сабыллар тэрилтэ сорох үлэһиттэрэ inDriver,  сорохторо «Синет Спарк» тэрилтэлэргэ көһүөхтэрэ, ол эрээри улахан аҥаардара сарбыллыахтара диир. Кини порталы бас билбэт буолбута ырааппытын да иһин, бу ууратыллар үлэһиттэргэ туох баар ирдэнэр көмөнү оҥорорго кыһаллыах буолар.

Ону сэргэ кини төлөбүрдээх өҥөнү оҥорор Doska, Rabota уонна Eda сиэрбистэр inDriver-га көһөн салгыы үлэлиэхтэрэ, оттон Afisha.Ykt.Ru киинэ эйгэтигэр улахан хааччахтар киирбиттэринэн, тохтотуллар туруктаах диэн быһаарда. Оттон урут тахсыбыт матырыйааллар архыыпка кэмэнтээрийдиир кыаҕа суох хаалыахтаахтар.  

Түмүккэ Арсен Томскай 1999 сылтан бу күҥҥэ диэри Өрөспүүбүлүкэ көрдөрөр-иһитиннэрэр эйгэтигэр, Саха сирин сайдыытыгар кинини кытта Ykt.ru порталга тэҥҥэ үлэлэспит дьонугар уонна күннэтэ сөбүлээн аахпыт бар дьонугар махталын ыытар. Кини Саха сирин олохтоохторун бу уустук кэмҥэ чугас дьоҥҥутун кытта бииргэ сылдьыҥ, бэйэ-бэйэҕэтигэр болҕомтолоох буолуҥ, хайа да балаһыанньаҕа үүнэ-сайда туруҥ диэн ыҥырар.

Сэҥээриилэр

Кыымнарга
0 Кыымнарга 10.03.2022 07:02
Сайткытын кытаатан уларыта охсуоххутун наада))) билигин СӨ дьоно ресурс көрдүүллэр, ханна тугу ааҕабыт диэн)))
Ответить

Санааҕын суруй

Бүтэһик сонуннар