INTERFAX.RU саайт Associated Press эгиэнистибэҕэ сигэнэн суруйарынан, Хотугу Корея (КНДР) бу соторутааҕыта межконтинентальнай саҥа көрүҥ баллистическай ракетаны боруобалаабыт диэн АХШ салалтата этэр.
"КНДР МБР-н улахан, 2017 сыллаахха тургутугу ааспыт ракетаны боруобалаабыт. Ол ракета, этэллэринэн, АХШ сиригэр-уотугар тиийэр кыахтаах», - диэн эгиэнистибэ суруйар.
Associated Press быһаарарынан, КНДР олунньу 26 уонна кулун тутар 4 күннэригэр боруобалаабыт ракеталарын туһунан этэр.
Бу иннинэ, эрдэ, Соҕуруу Корея байыаннайдара КНДР баллистическэй ракеталары ыытта диэн сырдаппыттар. Пхеньян куорат Сунан оройуонуттан чугас ракетанан ытыы буолбут.
Байыаннайдар эппиттэринэн, ракета 550 км. үрдүккэ 270 км. көппүт. Маннык ытыы биир сыл иһигэр тохсус төгүлүн оҥоһуллубут.
Олунньу ый бүтэһигэр Хотугу Корея чинчийэр соруктаах спутнигы оҥоруу чэрчитинэн, ракетанан ытыы боруобалааһыннара оҥоһуллубутун туһунан иһитиннэрбитэ.
