Киир

Киир

Баан ставкатын бырыһыана үрдээбитинэн, атыы-эргиэн эйгэтин урбаанньыттарыгар сотору бааннар 8%-наах чэпчэтиилээх сойуом  биэрэр буолуохтара. Бастатан туран,сойуому сүрүн бородууктаны (бурдук, саахар, курууппа, мас арыыта курдук) табаары атыылаһыан баҕалаах урбаанньыттар ылыахтара. 

Аччыгый уонна орто урбааны өйөөһүн бу көрүҥэ  Ил Дархан Айсен Николаев сорудаҕынан оҥоһуллар. Ол туһунан өрөспүүбүлүкэ вице-премьера Михаил Никифоров ВКС сибээһинэн ыытыллыбыт брифиҥҥэ кэпсээтэ.

Урбаанньыттарга чэпчэтиилээх сойуому Саха сирин урбаанын пуондата эмиэ биэриэҕэ, ону таһынан баантан кирэдьиит ылалларыгар мэктиэлээччи буолуоҕа. 

Маны кытары Айсен Николаев УСН систиэмэтинэн нолуок төлүүр урбаанньыттарга нолуок ставкатын бырыһыанын кыччаппыта уонна кинилэргэ хамсаабат баай-дуол нолуогун төлөбүрүн кэлэр сылга диэри тохтоппута.

Тарҕат:

Санааҕын суруй