Кулун тутар 22-24 күннэригэр Дьокуускай куоракка, «МОДУН» успуорт комплексыгар, Эрэгийиэннэр икки ардыларынааҕы икки улахан «СахаПромЭкспо» уонна «Хоту тутуу индустрията. Энэргиэтикэ. ОДьКХ» («Стройиндустрия Севера. Энергетика. ЖКХ») анал быыстапкалар туруохтара.
Быйыл Саха АССР төрүттэммитэ 100 сылыгар, Саха сирин куораттарыгар уонна нэһилиэктэригэр социальнай суолталаах 100 эбийиэк олоххо киирээри турар.
Тутуу федеральнай уонна өрөспүүбүлүкэтээҕи бүддьүөттэн үбүлэнэр. Ол курдук, өрөспүүбүлүкэ тутуутун Министиэристибэтэ сырдатарынан, 85 эбийиэк үлэҕэ киирбит, оттон сыл бүтүөр диэри өссө 15 эбийиэк былааҥҥа баар эбит. Онон, «100 социальнай суолталаах эбийиэги тутуу» сыаллаах сорук олоххо киирэр.
Тэрээһиҥҥэ Арассыыйаттан уонна Саха сириттэн, 15 эрэгийиэнтэн 50 тэрилтэ кыттыыны ылыаҕа. Кыттааччылар тутуу матырыйаалларын уонна технологияларын, анал тиэхиникэлэри, спутниктаах интэриниэти уо.д.а. көрдөрүөхтэрэ. Эрэгийиэннэр икки ардыларынааҕы таһымҥа ситими сайыннарар туһуттан, «Центр «Мой бизнес» СӨ автономнай тэрилтэтэ кулун тутар 24 күнүттэн «Арассыыйа ОДьКХ уонна тутуу салаатын тэрилтэлэрин ортотугар Эрэгийиэннэр икки ардыларынааҕы дьыалабыай контакт биржатын» тэрийэр.
СӨ Атыытын-эргиэнин, Бырамыысаланнаһын Балаататын уонна СӨ Бырамыысаланнаска уонна геологияҕа Министиэристибэтин икки ардыгар бииргэ үлэлэһии сөбүлэҥин чэрчитинэн, СӨ Бырабыыталыстыбатын Бэрэссэдээтэлэ Андрей Тарасенко бигэргэппит «2021-2024 сс. СӨ үрдүк түргэннээх амфибийнай-тырааныспар систиэмэтин айыыга суол каартатын» боппуруоһа көрүллүөҕэ.
Маны таһынан, 2022 с. 2023 сылга диэри «Жатайдааҕы тимир конструкциятын собуота» баазатыгар научнай, бырамыысаланнай тырааныспар кылаастырын оҥоһуллара былааннанар. Манна саҥа үрдүк түргэннээх амфибийнай тиэхиникэни оҥорооччулар уонна конструкторскай үс улахан бюро киириэхтээх. Онон сибээстээн, кулун тутар 23 күнүгэр «Транспортная доступность. Проблемы. Спутниковая связь, Пути решения» диэн төгүрүк остуол ыытыллыаҕа.
Быыстапка профессионал-отраслевиктарга эрэ буолбакка, куорат бары олохтоохторугар интэриэһинэй буолуоҕа. Кинилэр манна саҥа технологиялар уонна импорт табаардарын солбуйуон сөптөөх бородууксуйалар тустарынан аан маҥнайгынан билиэхтэрэ.
Баҕалаахтарга Дьокуускайдааҕы тутуу техникума «Саас сибэккилэрэ» паннону уонна “Пластик турбаттан туһалаах маллары” оҥорууга маастар-кылаастар ыытыллыахтара.
Барыгытын бу интэриэһинэй тэрээһини көрөргө ыҥырабыт! Быыстапкаҕа киирии босхо!
Быыстапка ыытыллар аадырыһа: Дьокуускай куорат, Киров уулуссатын 20/1 дьиэтэ, иккис этээс, «МОДУН» успуорт комплекса.
Ыытыллар күнэ: кулун тутар 22-24 күнэ
Оргкомитет: 8 (4112) 42-24-02.
Ылыллыбыт сигэтэ: https://yakutia24.ru/news/business/60011-v-yakutske-projdut-dve-krupnye-otraslevye-vystavki
