Киинэ тыйаатырдарыгар, араас тэрээһиннэргэ билиэти дьиэттэн тахсыбакка эрээри, «онлайн» атыылаһар электроннай каасса сабылларын иһин, үгүс Саха сирин олохтооҕо хомойо санаабыт буолуохтаах. Оннук буолан хааллаҕына, бары былыргылыы култуура дьиэлэригэр, киинэ тыйаатырдарыгар уһун уочаракка туруохтаахпыт эбитэ буолуо.
Ол эрээри, биир үөрүүлээх сонун баар - «Центральнай», «Азия», «Авиатор» киинэ тыйаатырдара уонна «Россия» киинэ саалата аныгылыы хаамыыны батыһан, билиэттэрин тэйиччиттэн, «онлайн» сигэнэн атыылыыр кыахтаннылар.
Тэрээһиннэргэ, киинэлэргэ билиэти бу сигэнэн киирэн атыылаһыаххытын сөп - https://m.kassa.rambler.ru/yakutsk.
Атыылаһыллыбыт билиэттэр ыйыллыбыт электроннай почтаҕа кэлэр буолуохтара.
Туһаныллыбыт источник: sakhalife.ru
