Бу – ааспыт үйэ 60-с сылларын саҥаларыгар тутуллубут икки этээстээх дьиэ Ойуунускай уулуссатыгар турар. Манна олорор дьоҥҥо туһулаан, дьиэлэрэ 2025 сылга диэри күрдьүллүөҕэ диэн, былаастар эрэннэрбиттэрэ. Дьиэ истиэнэтигэр, көстүүлээх сиргэ ол туһунан бэлиэ турар.
Олохтоохтор манна инчэҕэй тирбэҕэ быстыбатынан эрэйдээхтик олороохтууллар. Эргэ мас дьиэ кыһын тымныыта, тыал-куус курдары үрэрэ, сайын сыыраһа мөкүтэ биллэр.
Дьиэ акылаатыттан ыла сытыйан-ымыйан аатыгар эрэ барыаран турар. Аны туран, кыһын ыбылы тоҥмут хоммунаалка тэриэбэтэ халлаан сылыйаатын кытары сүһүөх-сүһүөхтэринэн тэллэстэн, ууну халытан муус-килиэ оҥорбут. Ол түмүгүн эһиги бу хаартыскаҕа ырылыччы көрөҕүт. Уу, түүн тымныйарын саҕана, чэҥирэ мууһуран, лоһугураччы тоҥон, дьэ маннык дьаабы хартыына көстөр.
Саатарха, бу дьиэ куорат кытыытыгар буолбакка киин сиргэ турар. Тоҕо баччааҥҥа диэри бу муус бөлүөхсүүтүн ыраастаабакка «киэргэл» гынан туралларын сөҕөбүн. Чахчытын да Тымныычаан оҕонньор «саарыстыбата».
Станислав Алексеев. Мииринэй куората. Ааптар хаартыската
