Арассыыйа Федерациятын бэрэсидьиэнэ Владимир Путин Саха Өрөспүбүүлүкэтин Ил Дарханын Айсен Николаевы Доҕордоһуу уордьанынан наҕараадалыыр туһунан ыйаахха илии баттаата. Бу докумуону быраап информациятын интэриниэт-порталыгар таһаарбыттар.
«Социальнай-экономическай сайдыыга кылаатын иһин Саха Өрөспүүбүлүкэтин Ил Дарханын Доҕордоһуу уордьанынан наҕаарадаалыырга», - диэн ыйаахха сурулла сылдьар.
Айсен Николаев 1972 сыллаахха Ленинградка күн сирин көрбүтэ. М.В. Ломоносов аатынан Москубатааҕы судаарыстыбаннай университет физическэй факультетын бүтэрбитэ уонна Арассыыйа Федерациятын Бырабыыталыстыбатын иһинэн Норуодунай хаһаайыстыба Академиятыгар бэлэмнэнии куурустарын ааспыта. 1998 сыллаахха диэри "Алмазэргиэнбанк" кэмиэрчэскэй бырабылыанньатын бэрэссэдээтэлин солбуйааччытынан, онтон 2004 сыллаахха диэри Ил Түмэн СӨ Судаарыстыбаннай мунньаҕын II уонна III ыҥырыытын дьокутаатынан, 2007 с. диэри Саха сирин Үбүн миниистиринэн үлэлээбитэ. 2011 сыллаахха ыам ыйыгар өрөспүүбүлүкэ бырабыыталыстыбатын бэрэссэдээтэлин солбуйааччытынан талыллыбыта. Манна кинин АПК, туризм уонна урбаан, айылҕа, наука уонна инновация харыстабылын боппуруостарын дьаһайар этэ.
2012-2018 сыллардаахха – Дьокуускай куорат баһылыга. Онтон, Арассыыйа Федерациятын бэрэсидьиэнин ыйааҕынан СӨ Ил Дарханын эбээһинэһин толорооччунан буолбута.
2018 с. балаҕан ыйын 9 күнүгэр Саха Өрөспүүбүлүкэтин Ил Дарханын дуоһунаһа сүктэриллибитэ. «Биир ньыгыл Арассыыйа» баартыйа Саха сиригэр эрэгийиэннээҕи салаатын президиумун чилиэнэ, сэкэрэтээрэ. Өрөспүүбүлүкэ норуодунай хаһаайыстыбатын Үтүөлээх үлэһитэ.
