СӨ бырабыыталыстыбатын бэрэссэдээтэлин солбуйааччы Михаил Никифоров кулун тутар 23 күнүнээҕи брифиҥҥэ дойдуну ас-үөл өттүнэн хааччыйыы туһунан ыйытыыга хоруйдаата.
Кини "Якутоптторг" дааннайыгар олоҕуран этэринэн, «Аллараа Бэстээх» станцияҕа 200 туонна бурдук тиэйиилээх 3 вагон кэлэн сүөкэммит. 67 туонна саахардаах 1 вагон станцияҕа бүгүн кэлиэхтээх.
Бу кэмҥэ өссө 18 вагон 1205 туонна бурдугу "Якутоптторг" сакааһынан тиэйэн иһэр эбит. Саха өрөспүүбүлүкэтин сыана бэлиитигэтигэр судаарыстыбаннай кэмитиэтэ (СБСК) кэнники 4 күҥҥэ сыана 1-тэн 3 %-ҥа диэри үрдээһинэ бородуукта 19 көрүҥүгэр таҕыста диэн иһитиннэрбит (гречневай курууппа, хаппыыста, помидоры уонна д.а.). Оттон сыана 2 %-нан намтааһына 13 көрүҥҥэ бэлиэтэммит (моркуоп, хара чэй, сымыыт уонна д.а.). Луук уонна апельсин сыаната уларыйбатах диэн буолла.
Сыананы олоҕо суох үрдэтии иһин СӨ СБСК борокуратуураҕа 227 дьыаланы киллэрбит.