ЦДОД - Оҕо Айымньытын Киинэ. Бу хаартыскаҕа көстөр тутууну Мииринэйдээҕи политехническай институт лабораторнай куорпуһуттан «ойо быһан», туспа эбийиэк оҥорон тураллар.
Бүгүн бу – Мииринэй куоратыгар тутуллар соҕотох бөдөҥ социальнай хабааннаах эбийиэк. Тутууну «АЛРОСА» хампаанньа үбүлүүр диэн суруйан турабыт. Муус устар ый үүнээри турдаҕына үлэ биллэ тэтимирдэ. Тутуу эркинигэр үлэлэр ыытыллаллар. Былырыын бэдэрээччит, эбийиэги куһаҕана суох тэтимнээхтик дьэндэтэн истэҕинэ ахсынньы ый сабардаан, халлаан тымныйан хаалбыта . Үлэ тохтотуллубута.
Оҕо Айымньытын Дьиэтин быйыл үлэҕэ киллэрэргэ бэлэмнэнэллэр. Ол туолуо дуо диэн саарбахтааһын санаалара миэхэ киирэллэр. Төһө да тутааччылар тэтимнэрэ түргэтээбитин иһин үлэлэрэ хара баһаам.
Станислав Алексеев. Мииринэй куората. Ааптар хаартыската.
