Киир

Киир

Муус устартан Дьокуускайга крематорий тутуута саҕаланар. Ол туһунан иһитиннэрии СӨ судаарыстыбаннай тутуу уонна олорор дьиэ хонтуруолун управлениетыгар киирбит.

Крематорий тутуллар сирэ Маҥан тыраагар, куорат кылабыыһатын территориятыгар түстэнэр. Көҥүлэ былырыын сыл бүтүүтэ ылыллыбыт. Тутар тэрилтэ аата - "Быдан Эргиир" ХЭУо, тэхиньиичэскэй сакаасчыт - «Строй-Индустрия ХЭУо».

Бырайыакка олоҕуран эттэххэ, крематорий этээһэ суох буолар, уопсайа 313,2 кв. м иэннээх. Ол иһигэр тиһэх суолга атаарар саала, ууруналар турар хосторо, туһунан технологическай хостор, кремация саала баар буолаллар. Ону таһынан, кремация дьайыытын трансляциялыырга анаммыт экраны фойеҕа туруораллар. 

b5e92831 d9af 46d3 b0b9 a1319b573a37

«Крематорий тутуллар кэмигэр бэрэбиэркэни ыытыы бырагыраамата бэлэм буолла. Крематорийы 2022 сыл үһүс кыбартаалыгар үлэҕэ киллэрии былааннанар», - диэн Госстройжилнадзор управлениетын салайааччытын бастакы солбуйааччыта Влад Пермяков иһитиннэрбит.

Тарҕат:

Санааҕын суруй