«Аан дойдутааҕы доруобуйа күнүн» уонна «Ийэ сылын» чэрчитинэн, «Кружало» атыы-эргиэн киинигэр, муус устар 5-с күнүттэн 7-р диэри сыл ахсын ыытыллар «МедЭкспо. Доруобуйа уонна кэрэ буолуу 2022» анал быыстапка туруоҕа. Манна Арассыыйа оҥорон таһаарааччыларын тэриллэрэ, табаардара уонна өҥөлөрө, микроскоптар, дезинфекция сириэстибэлэрэ, битэмииннэр, БАД-тар, истибэт дьон аппарааттара, көмпүүтэринэй томографиялар, айылҕа эттиктэриттэн оҥоһуллубут (натуральная) уонна профессиональнай кэсмиэтикэ уо. д. а. биир уораҕай иһигэр дьон көстүүтүгэр туруохтара.
Дьокуускай куорат олохтоохторугар анаан, үгэс буолбут «Доруобуйа дьаарбаҥката» буолуоҕа. Манна ким баҕалаах тустаах быраастарга консултаассыйа барыан сөп, ол курдук, дерматологтан, неврологтан, лортан, липидологтан, гериатрия бырааһыттан, психиатр-наркологтан, клиническэй психологтан, социальнай үлэһиттэн, фтизиатр быраастан сүбэ-ама ылыан сөп.
Маны таһынан, ВИЧ уонна гепатит В, С ыарыылары түргэнник быһаарар тиэстэри туттарыан сөп. Ону сэргэ, көмпүүтэринэй спирометрияны, тонометрияны, пульсоксиметрияны, былчыҥ мөлтөх туругун быһаарар кистевой динамометрияны уо. д. а. ааһыахха сөп буолуоҕа.
✅Консултаассыйаны ааһарга пааспары, мэдиссиинэ полиһын уонна СНИЛС илдьэ тиийэр булгуччулаах.
Быыстапка ыытыллар күнүгэр, «Кружало» сүрүн сыанатыгар, ким баҕалаахха ханнык эмит ыарыыга уонна доруобуйа араас туругар эмтээх аһылык суолтатын туһунан кэпсиэхтэрэ. Маны сэргэ, мэдиссиинэ өҥөтүн иһин нолуоктан көҕүрэтиини ылыы, саҥа хоруона вируһунан ыалдьыы кэнниттэн чөлгө киирии, кэрэ уонна чэгиэн мичээр туһугар 5 хардыы, чөл буолуу гимнастикатын уо. д. а. туһунан аһаҕас лиэксийэлэр буолуохтара.
2022 сылга быыстапкаҕа Корея Туризмын Киинин бэрэстэбиитэллэрин делегацията кыттыаҕа. Кинилэр Корея култууратын туһунан билиһиннэриэхтэрэ, мэдиссиинискэй кииннэрин уонна килииникэлэрин туһунан кэпсиэхтэрэ.
Бырагырааммаҕа:
- Сувенирдары сүүйүүгэ Соҕуруу Корея туһунан куонкурустар.
- Ыалдьыттар кэриэй омук национальнай таҥаһын (ханбогу) кэтэн көрүөхтэрин сөп, анал аппараакка илии тарбахтарыгар массаас оҥоротторуохтарын уонна Кореяҕа туризм туһунан ыйытыылары биэриэхтэрин сөп.
Тэрийэр кэмитиэт төлөпүөнүн нүөмэрэ - 42-24-02
@sakhaexpo.ru
ДОРУОБУЙАҔА СЫҺЫАННААХ ХААЧЧАХТАР БААЛЛАР (противопоказания), ОНОН ИСПЭСЭЛИИС КОНСУЛТААССЫЙАТА БУЛГУЧЧУЛААХ!
18+