Муус устар 5 күнүгэр, күн устатын тухары Мэҥэ Хаҥаласка «Сахатранснефтегаз» мэбиилинэй офиһыгар, испэсэлиистэр социальнай гаастааһыҥҥа сайаапкалары ыллылар уонна консултаассыйа ыыттылар.
Маныаха, гаастааһыҥҥа эппиэттэһэр чааһынай дьиэлээх дьонтон 20 сайаапка киирдэ.
- Киирбит сайаапкалар географиялара олус киэҥ буолан биэрдэ: Тарат, Майа, Павловскай уонна Аллараа Бэстээх сэлиэнньэлэрэ. Улуус олохтоохторо кэлэн актыыбынайдык консултаассыйа ыллылар. Сүрүннээн, сир учаастагар дьиэ баара булгуччулааҕын суоҕун, сөп түбэһэр докумуоннар суох буоллахтарына тугу гынар туһунан уо.д.а. ыйытыылар киирдилэр. Федеральнай ирдэбиллэринэн, кураанах сир учаастактаах уонна дьиэлэрэ регистрацияламматах дьонтон биһиги кыайан сайаапка ылбаппыт, - диэн «Сахатранснефтегаз» тэрилтэ Гааһы түҥэтэр управлениетын тэхиниичэскэй сыһыарыытын сулууспатын инженера Елизавета Билюкина кэпсиир.
Бу – Мэҥэ Хаҥалас улууһугар социальнай гаастааһын мэбиилинэй офиһын бастакы сырыыта. Манна, «Сахатранснефтегаз» гаастааһын эрэгийиэннээҕи эпэрээтэрэ көрдөрүүлэринэн, гаастаныан сөптөөх дьоҥҥо 234 сайаапка хомулунна. Бу сылга оройуон 257 учаастагар гаас турбатын босхо тиэрдии үлэтэ былааннанар.
«Сахатранснефтегаз» АУо пресс-сулууспатыттан.
