Киир

Киир

Дьокуускайдааҕы технология уонна дизайн коллеһа креативнай индустрия үлэһиттэрин бэлэмниир пилотнай былаһаакканы тэрийии күрэһигэр кыайыылаахтар ахсааннарыгар киирдэ. Бу күрэһи Владимир Путир дьаһалын толоруу чэрчитинэн  РФ Үөрэхтээһинин министиэристибэтэ ыытар.

Колледж бастакы устудьуоннарын бу сыл балаҕан ыйыгар үөрэтэн саҕалыа.  Үөрэтии 7 хайысханан барыа: «Информационнай систиэмэлэр уонна программирование», «Реклама», «Музыкаҕа звукооператор сатабыла», «Дизайн», «Анимация», «Театральнай уонна аудиовизуальнай тиэхиньикэ», «Хаартыскаҕа түһэрии тиэхиньикэтэ уонна ускуустубата». 

Үөрэх кыһата үрдүк таһымнаах аныгы тэрилинэн хааччыллыа. Ол үөрэнээччилэр араас айар хайысхаларга бырайыактары толкуйдуулларыгар көмөлөһүө.

Колледж «Образование» национальнай бырайыак «Молодые профессионалы»  федеральнай бырайыагын кыттыылааҕа. Балаҕан ыйын 1 күнүгэр манна «Цифровой модельер» уонна «Муода технологията» сатабылларга икки мастарыскыайы арыйыахтара.

Бу сылга «Креативнай индустрия» хайысхаҕа пилотнай былаһаакка аатын Ханты-Мансийскай автономнай уокурук - Югра, Калининград, Кемеров, Челябинск уобаластарын, Красноярскай кыраай, Удмурт өрөспүүбүлүкэтин үөрэхтэрин кыһалара сүктүлэр.  

Тарҕат:

Санааҕын суруй