Быйыл кыһын да, саас да хаар туох да сүрдээҕин түстэ. Куорат кытыытыгар таҕыстахха хаар халыҥа сүрдээх. Синньигэс биилгэр диэри батары түһүөххүн сөп. Оччотугар уу да баһаам буолар чинчилээх.
Мииринэй куораттан тыһыынчанан кууп хаары тиэйдилэр.
Бу үлэлэргэ «МПЖХ», «Коммунальщик» уонна да атын тэрилтэлэр аналлаах тиэхиникэлэрэ үлэлии-хамсыы сылдьаллар. Көрөргүт курдук, тиэхиникэбит эргэ.
Ону хайыахпытый? Үллэҥнэччи түспүт уонна номнуо муус килиэ буолбут хаары ыраастыылларыгар эрэ баҕарабыт. Онто да суох куораппыт баһыттан атаҕар тиийэ дьиҥнээх каток буолла. Киһи эчэйиэн сөп. Дьэ оннук буолбатын туһугар, Мииринэй хоммунаалынай сулууспалара сарсыарда эрдэттэн киэһэ хойукка диэри хаары ыраастаан самысыбаалларга тиэйиинэн дьарыктаналлар.
Станислав Алексеев. Мииринэй куората. Ааптар хаартыскалара