Киир

Киир

Ил Дархан Айсен Николаев 2022 сыл муус устар 6 күнүнээҕи Ыйааҕынан, киин куоракка 5-тэн элбэх оҕолоох ыаллар Саха Өрөспүүбүлүкэтин бас билиитигэр киирэр култуура уонна успуорт тэрилтэлэригэр босхо сылдьыахтара. Оттон  3 уонна 4 оҕолоох ыалларга 50% - наах чэпчэтии оҥоһуллуо.

«Бу Ыйаах СӨ Эт-сиин култууратыгар уонна успуорка министиэристибэтигэр туһуланар, тоҕо диэтэххэ сорох успуорт уонна чэбдигирии тэрилтэлэригэр элбэх оҕолоох ыалларга чэпчэтии суох этэ», - диэн Дьокуускай куорат уокуругун дьаһалтатын Эт-сиин култууратыгар уонна успуорка управлениетын салайааччыта Константин БУРЦЕВ чопчулаата.

 «Ийэ сылыгар маннык чэпчэтии киирэрэ олус суолталаах», - диэн Саха сирин Эт-сиин култууратын уонна успуордун миниистирэ Леонид Спиридонов санаатын эттэ.  

Сонун төрдө: Дьокуускай куорат уокуругун

дьаһалтатын пресс-сулууспата

Тарҕат:

Санааҕын суруй