Киир

Киир

Ытыктабыллаах Дьокуускай куорат олохтоохторун уонна ыалдьыттарын ыам ыйын 1 күнүгэр Эйэ уонна үлэ бырааһынньыгар ыҥыраллар. Икки сыллаах хааччахха олоруу кэнниттэн үлэ кэллэктииптэрэ, Ленин проспега сабыллан өрөмүөҥҥэ турарынан, Киров уулуссатынан күргүөмүнэн хаамыахтара.

Муус устар 14 күнүгэр Дьокуускай куорат уокуругун дьаһалтатын сааскы бырааһынньыкка бэлэмнэнэр мунньаҕа буолан ааста. Быйылгы тэрээһин лозуна «За мир! За труд! За май!» диэн буоларын Идэлээх сойуустар федерацияларын бэрэссэдээтэлэ Валентина Кириллина иһитиннэрдэ.

Дьаһалта култуураҕа уона духуобунай сайдыыга управлениетын салайааччыта Индира Ли быйылгы бырааһынньык ыытыллар кэнсиэпсийэтин билиһиннэрдэ. Ол курдук, тэрээһиннэр Арассыыйа норуоттарын култуураларын баайын сылын, Саха сиригэр Ийэ сылын, САССР олохтоммута  100 сылын, Дьокуускай куорат төрүттэммитэ 390 сылын бэлиэтээһин чэрчитинэн ыытыллыахтара. Онон, холуонналары киэргэтии ити бэлиэ сылларга ананыа. Үгэс быһыытынан, СӨ Идэлээх сойуустарын федерацията чаҕылхай киэргэтиилээх бастыҥ холуонналары талыаҕа. Өрүү буоларын курдук, «Саха» НКИХ ханаал тэрээһини быһа эпииринэн сырдатыа.

Куорат олохтоохторун, үлэ кэллэктииптэрин бэлэмнэнии кэмигэр ыытыллар субуотунньуктарга уонна күргүөмүнэн хаамыыга көхтөөхтүк кыттыҥ  диэн ыҥырабыт.

Сонун төрдө: Дьокуускай куорат уокуругун дьаһалтатын пресс-сулууспата