Арассыыйа сиригэр-уотугар ДНР, ЛНР уонна Украина сириттэн-уотуттан 12 тыһыынчаттан тахса киһини көһөрөн (эвакуациялаан) аҕалбыттар. ООН Арассыыйа уонна Украина бэрэстэбиитэллэригэр гуманытаарынай боппуруостары быһаарсарга диэн анал көрсүһүүтэ тэрийиэххэ диэн этии киллэрбиттэр. Арассыыйа Федерациятын Оборуонаҕа министиэристибэтэ иһитиннэрэринэн, АХШ уонна ЕС Украинаҕа ыыппыт сэрии сэбин баартыйаларын суох оҥоһуллубут. Госдепартамент бигэргэппитинэн, Арассыыйа утары эбии сааҥсыйалары киллэрии былаана баар эбит. Сбербаан усчуоттары арыйыыга ыстаапкатын үрдэппит.
Арассыыйа суукка иһигэр ДНР, ЛНР уонна Украина сириттэн-уотуттан 12 тыһыынчаттан тахса киһини көһөрөн аҕалбыт
Киев төһө даҕаны утарыласпытын иһин, биир суукка иһигэр Арассыыйа бэйэтин сиригэр-уотугар Украина, ДНР уонна ЛНР кутталы суоһуур оройуоннарыттан 12 тыһ. тахса киһини көһөрөн аҕалбыт. Бу туһунан Арассыыйа Федерациятын Оборуонатын дьаһалтатын Национальнай киинин тойоно, генерал-полковник Михаил Мизинцев иһитиннэрэр.
«Ааспыт суукка иһигэр, Украина былааһа кыттыгаһа суох, Украина, ДНР уонна ЛНР куттал суоһуур оройуоннарыттан Арассыыйаҕа 12 066 киһи көһөрүллэн кэлбит, олортон 1715 оҕо эбит», - диэн Мизинцев брифинг бириэмэтигэр иһитиннэрбит. Кини чопчулаабытынан, анал эпэрээссийэ саҕаламмытын кэнниттэн 863 тыһыынча киһини көһөрөн аҕалбыттар. Быыстарыгар 158 тыһ. тахса оҕо баар эбит. Арассыыйа кыраныыссатын 114 тыһыынча массыыната туораабыт, оттон ааспыт сууккаҕа 976 тимир көлө кэлбит.
Арассыыйа Украинаҕа 13 тыһыынча туонна гуманытаарынай көмөнү тиэрдибит
«Кулун тутар 2 күнүттэн саҕалаан, Арассыыйа Федерацията Украинаҕа 12 909,8 туонна бастакы наадалаах бэрэдимиэттэри, аһылыгы, эми-тому уонна мэдииссиинэҕэ туттуллар малы тиксэрбит, 854 гуманытаарынай аахсыйа ыытыллыбыт», —диэн Арассыыйа Федерациятын Оборуонатын дьаһалтатын Национальнай киинин тойоно, генерал-полковник Михаил Мизинцев иһитиннэрбит.
Кини чопчулаабытынан, ааспыт күннэргэ Донецкэй уонна Луганскай норуодунай өрөспүүбүлүкэлэргэ, Харьковскай уонна Херсонскай уобаластарга 8 аахсыйа ыытыллыбыт. Маныаха, көннөрү олохтоох дьоҥҥо-сэргэҕэ 567,9 туонна гуманытаарынай көмө оҥоһуллубут.
Аһаҕас источниктартан
