Киир

Киир

Саха Өрөспүүбүлүкэтин күнүгэр САССР тэриллибитэ 100 сылын Арассыыйа икки улахан куоратыгар уруйдуохтара.

Ол курдук, Санкт-Петербург  Петропавловскай кириэппэһин Нарышкин бастионуттан 12.00 чаастааҕы (Москуба бириэмэтинэн) ытыыны бу бэлиэ күҥҥэ аныахтара.

Оттон дойду тэбэр сүрэҕэр түүн 00.00 чааска (Москуба бириэмэтинэн) Останкинскай башня Саха сирин былааҕын өҥүнэн симэниэҕэ. Маны сэргэ башняҕа  «27 апреля  2022 - День Республики Саха (Якутия) - 100лет ЯАССР!» диэн суруктаах ролик хас 5 мүнүүтэ ахсын көстүөҕэ. Башня аттыгар Саха сирин устудьуоннара эҕэрдэ уһулан дойдуларыгар ыытыахтара. Бырайыак ааптардара – режиссер Эдуард Гаврильев, урбаанньыт Михаил Ефимов.

Саха сирин уонна киин куорат олохтоохторун өрөспүүбүлүкэ үрдүнэн ыытыллар үбүлүөйдээх тэрээһиннэргэ көхтөөхтүк кыттаргытыгар ыҥырабыт.

Муус устар 27 күнэ

12.00 Саха сирин чулуу дьонун мэҥэ таастарыгар сибэкки дьөрбөтүн ууруу. Киин куоракка, бары муниципальнай тэриллиилэргэ, куораттааҕы уокуруктарга.

14.00 Өрөспүүбүлүкэ күнүгэр аналлаах үөрүүлээх хаамыы.

Буолар сирэ: Дьокуускай к., Киров уул. (Ленин болуоссатыттан Комсомольскай болуоссакка диэри).

15.00 Бүтүн Өрөспүүбүлүкэтээҕи Добун Оһуохай.  

Буолар сирэ: Дьокуускай к. Комсомольскай болуоссатыгар уонна СӨ бары муниципальнай тэриллиилэригэр уонна куораттааҕы уокуруктарыгар.

Оһуохай кэннэ Эстрада тыйаатырын, Филармония, «Туймаада» ансаамбыл кыттыылаах бырааһынньык кэнсиэрэ буолуоҕа.

16.00 «Төлөннөөх Максим» документальнай киинэ премьерата.

Буолар сирэ: Дьокуускай к., Ленин пр., 45  №-дээх дьиэтэ, «Лена» киинэ тыйаатыра.

18.00 Софрон Данилов «От имени народа Саха» испэктээкил.

Буолар сирэ: Дьокуускай к., Киров уул., 25№-дээх дьиэтэ , Үүнэр көлүөнэ тыйаатыра.

19.00 Улахан кэнсиэр.

Буолар сирэ: Дьокуускай к. Комсомольскай болуоссата.

19.00 (Москуба бириэмэтинэн) Москуба судаарыстыбаннай консерваториятыгар САССР тэриллибитэ 100 сылыгар уонна композитор Марк Жирков төрөөбүтэ  130 сылыгар аналлаах кэнсиэр.  

Буолар сирэ: Москуба к.

21.00 Бырааһынньыктааҕы фейерверк.

Дьокуускай к. Комсомольскай болуоссата.

Муус устар 29 күнэ

14.00 Ил Түмэҥҥэ араас сыллар СӨ норуодунай дьокутаттара кыттыылаах Үөрүүлээх мунньах.

Буолар сирэ: Дьокуускай к., Ярославскай уул., 24/1 №-дээх дьиэтэ.

15.00 «Они основали республику» кинигэ биһирэмэ.

Буолар сирэ: Дьокуускай к., Ленин пр., 40 №-дээх дьиэтэ, СӨ Национальнай библиотеката.

18.00 САССР тэриллибитэ 100 сылыгар уонна Арассыыйа састаабыгар киирбитэ 390 сылыгар аналлаах Тыйаатыр туруоруута.

Буолар сирэ: Дьокуускай к., Ойуунускай уул.26 №-дээх дьиэтэ , «Триумф» успуорт киинэ.  

Хаартыска: ХИФУ саайтыттан

Тарҕат:

Санааҕын суруй