Киир

Киир

Бэҕэһээ, ыам ыйын 2 күнүгэр, Дьокуускай куоракка, өрөспүүбүлүкэ күнүгэр төрөөбүт кырачааннары төрүүр дьиэттэн үөрүүлээх быһыыга-майгыга таһаарыы буолла. Саха АССР төрүттэммитэ 100 сылын күнүгэр өрөспүүбүлүкэбитигэр 21 оҕо күн сирин көрбүт.

Дьокуускай куорат перинатальнай кииннэриттэн бэҕэһээ 15 кырачааны – 10 уолу уонна 5 кыыһы үөрүүлээх быһыыга-майгыга таһаардылар. Кинилэри үлэ уонна социальнай сайдыы миниистирэ Елена Волкова, кини солбуйааччыта Елена Топлякова эҕэрдэлээтилэр.

577FA9E5 40D5 4796 BA43 432D86059613

Кинилэр ийэлэргэ «Үйэ оҕолоро» диэн тус соруктаах хапытаалынан 100 тыһ.солкуобай сууммалаах туоһу суруктары туттардылар.

BC9BD5E7 A620 406A BA22 0B4941D53338EC7053EA 925C 4F4E B913 F1649B91B3D0

Маны сэргэ, кырачааннарга Саха Өрөспүүбүлүкэтин Ил Дархана Айсен Сергеевич Николаев анал бэлэхтэрин, Саха АССР төрүттэммитэ 100 сылыгар төрүөхтээх оҕолорго анаммыт үрүҥ көмүс өйдөбүнньүк тыаһатар оонньуурдары биэрдилэр.

85A0D478 F21B 4D03 A6F5 F6C0974521E488C69F4D 5CFA 446D B751 EF5464872427

«Бүгүҥҥү тэрээһин – биһиэхэ барыбытыгар ураты бэлиэ күн. Биһиги өрөспүүбүлүкэбит үбүлүөйдээх даататыгар, муус устар 27 күнүгэр төрөөбүт кырачааннары үөрүүлээх быһыыга-майгыга таһаарабыт. Оҕоломмут дьиэ кэргэннэри эҕэрдэлиибин уонна кинилэргэ доруобуйаны, дьиэ кэргэннэригэр этэҥҥэ буолууну баҕарабын. Сахабыт сирин саҥа олохтоохторо төрөппүттэрин үөрдэ, чэгиэн-чэбдик, олоҕу таптыыр, билэр-көрөр баҕалаах, дойдубут дьоһун олохтоохторо буола улааттыннар», - диэн Елена Волкова эҕэрдэлээтэ.

033D2CB6 3F10 4240 B8A7 55D9C32455BB480F3D9B E029 41CF BFBD 70B47F3049A72435A0C5 63B4 4DE1 A6F1 7E9A1047F06554099AFC B9D5 41A9 9461 C9DA19AD0457F38E8BC3 A45C 4B78 B687 7F07F93AD2D7FF4E5303 A2EC 4400 BF74 95ED94B7D26C

Үлэ уонна социальнай сайдыы Министиэристибэтин пресс-сулууспата сырдатыытыттан

Тарҕат:

Санааҕын суруй