Киир

Киир

Альянс өттүттэн Киевка ситэтэ суох көмө оҥоһуллубут диэн сылтаҕыран, Украина былааһа НАТО-тан кэлэйбит. Маннык сайабылыанньанан дойду Дьобуруопатааҕы уонна евро-атлантическай интеграциятын боппуруостарын вице-премьер-миниистирэ Ольга Стефанишина эппит-тыыммыт. Ити тухары, Украина альянска киирээри гынар санаатын кубулуппат эбит.

«НАТО Украинаҕа сыһыаннаах иһитиннэриилэриттэн биһиги кыратык кэлэйдибит, биллэн туран, биһиги элбэҕи кэтэспиппит», - диэн Стефанишина Испания El País хаһыатыгар интервью биэрбитин ТАСС иһитиннэрэр.

Кини санаатынан, итинтэн сылтаан Украина бэрэсидьиэнэ Владимир Зеленскэй «кириитикэлииргэ толору бырааптаах». Ол эрээри, Стефанишина НАТО-ҕа өссө даҕаны киириэхтэрин баҕаралларын туһунан иһитиннэрбит.

УКРАИНА НАТО

АХШ оборуонатын миниистирэ Ллойд Остин биллэрбитинэн, Украина НАТО-ҕа киирэрэ билиҥҥитэ табыллыбат. Оттон Зеленскэй буоллаҕына, өскөтүн Арассыыйа сэриитин Украинаттан таһаардаҕына, НАТО-ҕа билигин даҕаны киирэргэ бэлэмин туһунан эппит. Судаарыстыбаннай Дума спикерэ Вячеслав Володин этэринэн, Украина уонна Арассыыйа Федерациятыгар усулуобуйатын туруоран уонна НАТО-ттан көмө көрдөөн, «бириэмэни тарда сатыыр». Бу туһунан «Национальная служба новостей» иһитиннэрэр.

Санатар буоллахха. Арассыыйа Украинаҕа анал байыаннай эппэрээссийэни олунньуттан ыытар. Бэрэсидьиэн Владимир Путин этэринэн, маннык быһыы-майгы сыалынан-соругунан Украинаны демилитаризациялааһын и денацификациялааһын буолар. Анал байыаннай эпэрээссийэ саҕаланыан иннинэ, Арассыыйа АХШ-н уонна НАТО-тан куттал суох буолуутун мэктиэлииллэрин туһунан көрдөспүтэ, манна Украинаны альянска киллэрбэттэрин туһунан көрдөһүү баара, ол эрээри, анарааҥҥылар докумуоҥҥа илии баттыылларын туттуммуттара.

Туһаныллыбыт сигэ: https://m.ura.news/news/1052550407

Тарҕат:

Санааҕын суруй

Бүтэһик сонуннар